Oftalmologiya yun ὀφθαλμός göz λόγος tədris gözü onun anatomiyası fiziologiyası və xəstəliklərini öyrənən həmçinin göz x

Oftalmologiya (yun. ὀφθαλμός "göz" + λόγος "tədris") — gözü, onun anatomiyası, fiziologiyası və xəstəliklərini öyrənən, həmçinin göz xəstəliklərinin müalicəsi və profilaktikası üsullarını işləyib hazırlayan tibb sahəsi.

Oftalmoloq — gözləri tibbi və cərrahi üsulla müalicə edən xüsusi təhsil almış həkim.

Tarixi

Oftalmologiya qədim dövrlərdə yaranmışdır. Eramızdan əvvəl II minilliyin ortalarında Misirdə yaşamış göz xəstəliklərini müalicə edən şəfaçılardan biri olan Peni Ank İrinin məzar daşı üzərində həkk olunmuş adı və təsviri bu günə qədər gəlib çatmışdır.

Kornelius Sels (e.ə. I əsr) irisin, siliyer cismin, gözün ön və arxa kameraların mövcudluğunu müəyyən etmişdir. O, həmçinin korluğu 2 hissəyə bölmüşdü: geri dönməz — korluğa səbəb qlaukoma və geri dönən — korluğa səbəb katarakta olanda. Sels XVII-ci əsrin ortalarına qədər istifadə edilən kataraktın azaldılması texnikasını təkmilləşdirmişdir.

Ərəb əsilli həkim İbn əl-Heysəm (Əlhazen, eramızın X—XI əsrləri) Avropada eynəklərin ixtirasına və müasir görmə nəzəriyyələrinin yaranmasına böyük töhfə verən “Optika kitabı”nı yazmışdır. Əbu Əli ibn Sinanın (İbn Sina, eramızın X əsri) məşhur “Tibbi təbabət Kanonu” əsəri 500 ildən artıq müddət ərzində həm ərəb ölkələrində, həm də Avropada göz xəstəliklərinin əsas bələdçisi olmuşdur.

XIX-cu əsrdə müasir oftalmologiyanın inkişafında mühüm rol oynamış ingilis cərrahı Corc Kritçet etdiyi oftalmoloji əməliyyatlar və nəşrləri ilə Avropada şöhrət qazanmışdır.

Xəstəliklər

Oftalmoloqların müalicə etdiyi ən çox yayılmış xəstəliklərin bəzilərinin qısa siyahısı:

Katarakta
Həddindən artıq göz yaşının axması (göz yaşı kanalının tıxanması)
Proptoz (qabarmış gözlər)
Tiroid göz xəstəliyi
Göz şişləri
Ptoz
Diabetik retinopatiya
Quru göz sindromu
Qlaukoma
Makula degenerasiyası
Retina dekolmanı
Endoftalmit
Refraksiya xətaları
Çəpgözlük (gözlərin düzgün düzülməməsi və ya sapması)
Göz travması
Orbital sınığı

Alt ixtisaslar

Oftalmologiyaya müəyyən xəstəliklər və ya gözün müəyyən hissələrinin xəstəlikləri ilə məşğul olan alt ixtisaslar daxildir. Onlardan bəziləri bunlardır:

Ön seqment cərrahiyyəsi
Göz qişası, səthi və xarici xəstəliklər
Qlaukoma
Neyro-oftalmologiya
Göz onkologiyası
Okuloplastika və orbit cərrahiyyəsi
Oftalmik patologiya
Uşaq oftalmologiyası / çəpgözlük (gözlərin düzgün düzülməməsi)

Həmçinin bax

Göz xəstəlikləri

İstinadlar

"Arxivlənmiş surət". July 17, 2012 tarixində . İstifadə tarixi: November 24, 2022..
"Ophthalmology". 2020-07-25 tarixində . İstifadə tarixi: 2020-03-28.
"Возникновение офтальмологии можно отнести к каменному веку" (rus). 2021-11-28 tarixində . İstifadə tarixi: 2021-11-28.
"История лечения глазных болезней — античность". okomed.ru. 2021-11-28 tarixində . İstifadə tarixi: 2021-11-28.
По материалам сайта Клиническая офтальмология 2014-04-27 at the Wayback Machine
"The British Journal of Ophtalmology, August 1923. British masters of ophtalmology series — George Critchett" (PDF). 2022-01-21 tarixində (PDF). İstifadə tarixi: 2017-10-03.
WebMD. "What Causes Eye Problems?". WebMD. 2019-07-13 tarixində . İstifadə tarixi: 2022-11-24.
"EyeWiki". eyewiki.org. 2022-10-06 tarixində . İstifadə tarixi: 2022-07-22.

Xarici keçidlər

[1] "Arxivlənmiş surət". July 17, 2012 tarixində . İstifadə tarixi: November 24, 2022..

[2] "Ophthalmology". 2020-07-25 tarixində . İstifadə tarixi: 2020-03-28.

[3] "Возникновение офтальмологии можно отнести к каменному веку" (rus). 2021-11-28 tarixində . İstifadə tarixi: 2021-11-28.

[4] "История лечения глазных болезней — античность". okomed.ru. 2021-11-28 tarixində . İstifadə tarixi: 2021-11-28.

[5] По материалам сайта Клиническая офтальмология 2014-04-27 at the Wayback Machine

[6] "The British Journal of Ophtalmology, August 1923. British masters of ophtalmology series — George Critchett" (PDF). 2022-01-21 tarixində (PDF). İstifadə tarixi: 2017-10-03.

[7] WebMD. "What Causes Eye Problems?". WebMD. 2019-07-13 tarixində . İstifadə tarixi: 2022-11-24.

[8] "EyeWiki". eyewiki.org. 2022-10-06 tarixində . İstifadə tarixi: 2022-07-22.