Vikipediyada bu ad soyadlı digər şəxslər haqqında da məqalələr var bax Nəriman Məmmədov Nəriman Kamileviç Məmmədov 10 iy

Nəriman Kamileviç Məmmədov (10 iyul 1969, Moskva) — Azərbaycan Respublikası Kinemotoqrafçılar İttifaqının katibi. "Narimanfilm" kinostudiyasının rəhbəri, "Azərbaycan Respublikası İstehsalçılar Gildiyası"nın sabiq sədri (2021–2023), Azərbaycan Respublikasının Əməkdar mədəniyyət işçisi (2018), "Salam" Beynəlxalq Yeniyetmə Film Festivalının təsisçisi.

Nəriman Məmmədov
Məmmədov Nəriman Kamileviç
Doğum tarixi	10 iyul 1969(1969-07-10) (54 yaş)
Doğum yeri	Moskva, RSFSR, SSRİ
Vətəndaşlığı	Azərbaycan
Fəaliyyəti	prodüser, hüquqşünas, prodüser
Mükafatları	2022
IMDb	ID4036355

Həyatı

Nəriman Məmmədov 1969-cu il tarixdə Rusiya Federasiyasının Moskva şəhərində anadan olub. Ali hüquq və hərbi-siyasi təhsil almışdır. Müxtəlif yerli və beynəlxalq şirkətlərdə idarəetmə vəzifələrində 25 ildən artıq təcrübəyə malikdir. 1994-cü ildə "Narimanfilm" kinostudiyasının əsasını qoymuşdur. Şirkətin əsas fəaliyyətləri, qısametrajlı, sənədli və bədii filmlərin istehsalı, texniki dəstək və Azərbaycan filmlərinin dünyada tanıdılmasıdır. O, bir neçə qısametrajlı, sənədli və bədii filmlərin prodüseri olmuşdur. 2005-ci ilin sentyabr ayında "Cənubi Qafqaz Müstəqil Kino Xadimləri Transmilli Assosiasiyası"– nın (İFA-SC) təsisçilərindən biri olmuşdur. Həmin ilin oktyabr ayında isə Assosiasiyasının İdarə Heyətinin sədri seçilmişdir. 2012-ci ilin iyun ayında "Azərbaycan Prodüserlər Gildiyası" İctimai Birliyinin sədr müavini seçilmişdir. Həmin ilin iyul ayında isə Azərbaycan Respublikası Kinemotoqrafçılar İttifaqının təsisçilərindən biri olmuşdur.1 avqust 2018-ci il tarixində Azərbaycan Respublikası Prezidentinin Sərancamı ilə "Əməkdar Mədəniyyət İşçisi" fəxri adına layiq görülmüşdür.

"Salam" Beynəlxalq Yeniyetmə Film Festivalının təsisçisidi.1 may 2019-cu ildə yaranan "Salam" Beynəlxalq Yeniyetmə Film Festivalı — festival ərəfəsində uşaqlar dünya və azərbaycan kinematoqrafiyasının yeni nümunələrini seyr edir, kinotənqidçilərin və digər kinoprofessionalların iştirakı ilə filmləri müzakirə edir və jüri kimi səs verib qalibləri müəyyən edir.

27 noyabr 2020-ci ildə Qlobal Film Festivalı Noida beynəlxalq "Kinoda Mükəmməlliyə görə" mükafatına layiq görülüb.

2021–2023-cü il tarixlərində "Azərbaycan Respublikası Prodüserlər Gildiyası"nın sədri olub.

13 oktyabr 2022-ci ildə "Caspian Energy Israel"in sədri vəzifəsinə təyin olunub

Qısa və tammetrajlı bədii və sənədli filmlərin prodüseridir.

Filmoqrafiya

"Min" (2001) (qısametrajlı film)
"Dağın nəvəsi" (2002–2006) (qısametrajlı film)
Pəri-Qala (film, 2007) (qısametrajlı film)
Sahə (film, 2010) (tammetrajlı bədii film)
"Mən quşları xatırlayıram"… (2002) (sənədli film)
"Məhsuldar torpaqlarda" (2006) (sənədli film)
"Qobustana qayıdış" (2007) (sənədli film)
"Mənim məktəbim" (2008) (sənədli film)
"Sərnişin" (2013) (qısametrajlı film)
9x9 (film, 2013) (qısametrajlı film)
Sükut pozuntusu (film, 2014) (qısametrajlı film)
"İkinci güllə" (2017) (qısametrajlı film)
"Dəniz suyu içən it" (2017) (qısametrajlı film)
"Estakada" (2019) (qısametrajlı film)
"Cunga" (2018, Bakı/Tamil dili) — prodüser
"Kempeqovda 2" (2019, Bakı/Kannada) — prodüser
"Vinaya Videya Rama" (2019, Bakı/Teluqu) — prodüser
"ABCD" (2019, Bakı/Telugu) — prodüser
"Nikil Mudra" (2019, Bakı/Teluqu) — prodüser
"Action" (2019, Bakı/Tamil) — xətt prodüser
"90 ML" (2019, Bakı/Teluqu) — xətt prodüser
"Oxemberg" TVC (2019, Bakı/Mumbay) — xətt prodüser
"Thalli Pogathey" (2019, Bakı/Tamil) — xətt prodüser
"Fəridə" (2020, Bakı/Sankt-Peterburq) — prodüser
"Javoronki v repeyom pole" (2021, Bakı/Ulyanovsk) — prodüser

Xarici keçidlər

Nəriman Məmmədov : "Kino istehsalının rentabelli biznesə çevrilə bilməsi üçün intellektual mülkiyyətin müdafiəsinə münasibəti kökündən dəyişdirmək lazımdır"

İstinadlar

President.az. "Azərbaycanın kino xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 01.08.2018. 2021-10-26 tarixində . İstifadə tarixi: 01.08.2018.
"Nəriman Məmmədov "Kinematoqrafiya uğurlarına görə" beynəlxalq mükafatı ilə təltif olunub". 2022-08-18 tarixində . İstifadə tarixi: 2024-01-25.
"NƏRİMAN MƏMMƏDOV PRODÜSERLƏR GİLDİYASININ SƏDRİ SEÇİLDİ". 2023-12-25 tarixində . İstifadə tarixi: 2024-01-25.
Nəriman Məmmədov sədr vəzifəsindən istefa verdi
"Nəriman Məmmədov "Caspian Energy Israel"in sədri vəzifəsinə təyin olundu". 2022-10-15 tarixində . İstifadə tarixi: 2024-01-25.

[1] President.az. "Azərbaycanın kino xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 01.08.2018. 2021-10-26 tarixində . İstifadə tarixi: 01.08.2018.

[2] "Nəriman Məmmədov "Kinematoqrafiya uğurlarına görə" beynəlxalq mükafatı ilə təltif olunub". 2022-08-18 tarixində . İstifadə tarixi: 2024-01-25.

[3] "NƏRİMAN MƏMMƏDOV PRODÜSERLƏR GİLDİYASININ SƏDRİ SEÇİLDİ". 2023-12-25 tarixində . İstifadə tarixi: 2024-01-25.

[4] Nəriman Məmmədov sədr vəzifəsindən istefa verdi

[5] "Nəriman Məmmədov "Caspian Energy Israel"in sədri vəzifəsinə təyin olundu". 2022-10-15 tarixində . İstifadə tarixi: 2024-01-25.