Nursiyalı Benedikt

Nursiyalı Benedikt (lat. Benedictus de Nursia; 3 mart 480 – 23 mart 547, Montekassino^[d], Bizans imperiyası) — Qərbi monastır həyatının banisi. O, Benedikt Ordeninin və "Benedikt nizamnaməsi"nin (lat. Regula Benedicti) müəllifidir. Bu nizamnamə Avropada monastır sisteminin əsasını qoymuş və xristian monastır hərəkatının inkişafına böyük təsir etmişdir.

Nursiyalı Benedikt
Doğum tarixi	3 mart 480
Vəfat tarixi	23 mart 547(67 yaşında)
Vəfat yeri	Montekassino^[d], Bizans imperiyası
Xatirə günü	11 iyul, 21 mart, 14 mart, 11 iyul
Vikianbarda əlaqəli mediafayllar

Həyatı

Benedikt təxminən 480-ci ildə İtaliyanın Nursiya (indiki ) şəhərində varlı bir ailədə anadan olmuşdur. O, Roma şəhərində təhsil almış, lakin şəhərin pozğun həyatı onu narahat etdiyindən dünyəvi həyat tərzindən imtina edərək tənha həyat sürməyə qərar vermişdir. Benedikt əvvəlcə Subiako bölgəsində mağarada məskunlaşmış və burada üç il tək ibadətlə məşğul olmuşdur. Bu müddət ərzində o, ətrafda yaşayan rahiblərin diqqətini çəkmiş və mənəvi lider kimi tanınmağa başlamışdır. Benediktin ətrafına toplaşan ardıcıllar onun rəhbərliyi ilə Subiakoda bir neçə kiçik monastır yaratdılar. Lakin bəzi keşişlər onun sərt qaydalarına qarşı çıxaraq ona sui-qəsd etməyə cəhd etdilər. Bundan sonra Benedikt Monte Kassino təpəsinə köçərək burada özünün ən məşhur monastırını qurmuşdur. Montekassino abbatlığı 529-cu ildə yaradılmış və Benediktin əsas dini mərkəzi olmuşdur. Burada o, rahiblər üçün "Benedikt Nizamnaməsi"ni yazmışdır. Bu nizamnamə sonralar Avropada monastır həyatının əsas qaydası oldu.

Fəaliyyəti

Benedikt monastır həyatını nizama salmaq üçün bir sıra qaydalar hazırlamışdır. Bu qaydalar nizam-intizam, dua və əməyə əsaslanırdı. Nizamnamə monastır həyatında əsas üç prinsipə söykənirdi:

• Dua və ibadət (Ora et Labora – "Dua et və çalış") – rahiblər hər gün müəyyən vaxtlarda dua etməli və Tanrıya ibadət etməli idilər.
• Əmək və xidmət – rahiblər yalnız dini ibadətlə deyil, həm də fiziki əmək və elmi fəaliyyətlə məşğul olmalı idilər.
• İntizam və itaət – rahiblər abbatın (monastır rəhbərinin) göstərişlərinə tam itaət etməli və monastır qaydalarına əməl etməli idilər.

Bu qaydalar Avropa monastırlarının idarə olunması üçün əsas qanun kimi qəbul edildi və uzun əsrlər boyu tətbiq olundu.

Mirası və vəfatı

Benedikt 21 mart 547-ci ildə Montekassino abbatlığında vəfat etmişdir. Onun ölümündən sonra Benedikt Ordeni Avropada geniş yayıldı və onun nizamnaməsi Qərbi Avropanın monastır sisteminin əsasına çevrildi. Müqəddəs Benedikt 1220-ci ildə Roma Papası tərəfindən müqəddəs elan olunmuşdur. 1964-cü ildə Papa VI Pavel onu Avropanın patronu elan etmişdir. Montekassino abbatlığı və Benedikt Ordeni bu gün də onun irsini yaşadır.

İstinadlar

1. BeWeB.
2. Calendarium Romanum (lat.): Ex decreto Sacrosancti Œcumenici Concilii Vaticani II instauratum auctoritate Pauli PP. VI promulgatum. Editio typica. Civitas Vaticana: Typis Polyglottis Vaticanis, 1969. S. 28.
3. Lanzi, Fernando; Lanzi, Gioia. Saints and Their Symbols: Recog [Come riconoscere i santi]. O'Connell, Matthew J. tərəfindən tərcümə olunub. Collegeville, Minnesota: Liturgical Press. 2004. səh. 218. ISBN . İstifadə tarixi: 26 October 2023. Benedict of Nursia [...] Principal attributes: black monastic garb, staff, book with inscription: "Pray and Work."
4. "Saint Benedict of Nursia: The Iconography". 27 November 2022 tarixində arxivləşdirilib. İstifadə tarixi: 27 November 2022.
5. Barry, Patrick. St. Benedict and Christianity in England. Gracewing Publishing. 1995. səh. 32. ISBN .
6. Ramshaw, Gail. Festivals and Commemorations in Evangelical Lutheran Worship (PDF). Augsburg Fortress. 1983. səh. 299.
7. Barrely, Christine; Leblon, Saskia; Péraudin, Laure; Trieulet, Stéphane. Benedict // The Little Book of Saints [Petit livre des saints]. Bell, Elizabeth tərəfindən tərcümə olunub. San Francisco: Chronicle Book. 23 March 2011. səh. 34. ISBN . İstifadə tarixi: 26 October 2023. Declared the patron saint of Europe in 1964 by Pope Paul VI, Benedict is also the patron of farmers, peasants, and Italian architects.
8. Pope Gregory I, E. G. Gardner (ed.), The Dialogues of Saint Gregory the Great: Re-edited with an Introduction and Notes (London & Boston: Philip Lee Warner, 1911), p. 263.
9. "St. Benedict of Norcia". Catholic Online. 28 June 2008 tarixində arxivləşdirilib. İstifadə tarixi: 31 July 2008.
10. Holder, Arthur G. Christian Spirituality: The Classics. Taylor & Francis. 2009. səh. 70. ISBN . 20 February 2023 tarixində arxivləşdirilib. İstifadə tarixi: 23 March 2016. Today, tens of thousands of men and women throughout the world profess to live their lives according to Benedict's Rule. These men and women are associated with over two thousand Roman Catholic, Anglican, and ecumenical Benedictine monasteries on six continents.
11. Carletti, Giuseppe, Life of St. Benedict (Freeport, NY: Books for Libraries Press, 1971).
12. "The Autumn Number 1921" (PDF). The Ampleforth Journal. 2022-10-09 tarixində arxivləşdirilib (PDF).
13. Life and Miracles of St. Benedict (Book II, Dialogues), tr. Odo John Zimmerman, O.S.B. and Benedict , O.S.B. (Westport, CT: Greenwood Press, 1980), p. iv.
14. "Ford, Hugh. "St. Benedict of Norcia." The Catholic Encyclopedia. Vol. 2. New York: Robert Appleton Company, 1907. 3 Mar. 2014". 9 March 2021 tarixində arxivləşdirilib. İstifadə tarixi: 3 March 2014.
15. Knowles, Michael David. "St. Benedict". Encyclopedia Britannica
16. See Alfredo Ildefonso Schuster, Saint Benedict and His Times, Gregory A. Roettger, tr. (London: B. Herder, 1951), p. 2.

Mənbə

• Gardner, Edmund G., redaktorThe Dialogues of Saint Gregory the Great. London and Boston: Philip Lee Warner, Publisher to the Medici Society Ltd. 1911. ISBN .

Xarici keçidlər

• "The Order of Saint Benedict". osb.org (ingilis). (Institutional website of the Order of Saint Benedict)
• "Life and Miracles of Saint Benedict" (ingilis, ispan, fransız, italyan, və portuqal). 21 October 2004 tarixində arxivləşdirilib.