Novruz Novruzlu

Novruz Novruzlu (12 may 1960, Ordubad – 20 noyabr 2018, Bakı) — müğənni, aktyor, Savalan qrupunun bədii rəhbəri və Akademik Opera və Balet Teatrının solisti.

Novruz Novruzlu
Ümumi məlumatlar
Doğum tarixi	12 may 1960
Doğum yeri	Ordubad
Vəfat tarixi	20 noyabr 2018 (58 yaşında)
Vəfat yeri	Bakı
Dəfn yeri	Xırdalan
Vətəndaşlığı	Azərbaycan
Musiqiçi məlumatları
Fəaliyyəti	Müğənni, aktyor

Həyatı və fəaliyyəti

Novruz Novruzlu 12 may 1960-cı ildə Ordubad şəhərində anadan olub. 5 yaşında ikən atasını itirib. Orta məktəbdə oxuduğu müddətdə musiqi ilə bağlı bütün tədbirlərdə çıxış edib. Orta məktəbi bitirdikdən sonra İncəsənət Universitetinin musiqili-komediya aktyorluğu fakültəsinə daxil olub. Universitetdə oxuduğu illərdə bir çox müsabiqələrdə uğurlu çıxışları olub. Oxuduğu müddətdə "Ulduz" tamaşasında Zəfər, "Arşın mal alan"da Əsgər, "O olmasın, bu olsun" tamaşasında Sərvər rollarını ifa edib. Bir müddət "Şərq ansamblı"nda solist kimi fəaliyyət göstərib. Universiteti bitirdikdən sonra Firudun Mehdiyevin səhnələşdirdiyi "O olmasın, bu olsun" tamaşasında Əsgər rolunu ifa edib. Ömrünün sonunadək Akademik Opera və Balet Teatrında solist kimi fəaliyyət göstərib. 20 yanvar faciəsi baş verdikdən sonra dostları ilə birgə Savalan qrupunu yaradıb. Qrup olaraq daha çox dini mistik vətənpərvər musiqilər ifa ediblər.

Qrupla bağlı fikirləri

Əsas məqalə: Savalan (musiqi qrupu)

Millətin dərdinə qoşulduq. Bu, bütün millətimizin kədəri idi. Qrupun yaranmasının səbəbkarı məndən çox, İshaq Ozanoğlu oldu. Hazırda Almaniyada yaşayır. İshaq gedəndən sonra irəlidə mən oldum. Mən vokal şöbəsini bitirmişəm. Çox gözəl italyan mahnıları oxuyurdum. 20 Yanvardan sonra millətin halı, şəhidlərin olması təsir etdi. Gördük ki, elə musiqi çox yad, ağır gəlir. Fəxrəddin Salim saz, Cavad ney çalırdı. Həlimə Sultan isə şeir deyirdi, mən də mızıldanırdım. Dəqiq bir şey də yox idi. Belə-belə qrup yarandı. İçimizin o vaxtkı halını, hayqırtısını bu yolla ifa edirdik. Bu qrupda maaş, pul yoxdur. Mən iki yerdə- Opera və Balet teatrında və İRS Folklor Ansamblında solist kimi çalışıram. Qrupun digər üzvləri də iki-üç yerdə işləyirlər. Digər işlərimə baxmayaraq, mən özümü bütün varlığımla bu qrupda hiss edirəm. Qrupda özüm oluram.

Ölümü

20 noyabr 2018-ci ildə ürək tutmasından dünyasını dəyişib. Xırdalan qəbiristanlığında dəfn olunub.

Filmoqrafiya

• Qüdsi (film, 2007) — Aktyor

İstinadlar

1. "Azərbaycan mədəniyyətinə ağır itki üz verib". 2021-08-03 tarixində . İstifadə tarixi: 2018-11-20.
2. "Savalan qrupu". 2020-02-17 tarixində . İstifadə tarixi: 2018-11-20.
3. Novruz Novruzlu ilə müsahibə ^{[ölü keçid]}
4. "Novruz Novruzlunun ölüm səbəbi". 2021-08-05 tarixində . İstifadə tarixi: 2018-11-20.
5. "Novruz Novruzlu vəfat etdi". 2021-07-24 tarixində . İstifadə tarixi: 2018-11-20.

Xarici keçidlər

• Novruz Novruzlu ilə müsahibə
• Novruz Novruzlu haqqında sənədli film