Məcnun Məmmədov

Məcnun Qadir oğlu Məmmədov (15 sentyabr 1983, Mincivan, Zəngilan rayonu) — Azərbaycan Respublikasının kənd təsərrüfatı naziri (2023-cü ildən).

Məcnun Məmmədov
Azərbaycan Respublikasının kənd təsərrüfatı naziri
Vəzifədədir
14 aprel 2023-cü ildən
(i. e. 14–16 fevral 2024)
Prezident	İlham Əliyev
Əvvəlki	İnam Kərimov
Şəxsi məlumatlar
Doğum tarixi	15 sentyabr 1983(1983-09-15) (40 yaş)
Doğum yeri	Mincivan, Zəngilan rayonu, Azərbaycan SSR, SSRİ
Təhsili	Azərbaycan Dövlət İqtisad Universiteti (2000–2004), Lahor İdarəetmə Elmləri Universiteti (2004–2006)
Fəaliyyəti	siyasətçi

Həyatı

Məcnun Məmmədov 1983-cü ili sentyabrın 15-də Zəngilan rayonunun Mincivan qəsəbəsində anadan olub. O 2000–2004-cü illərdə Azərbaycan Dövlət İqtisad Universitetində "Maliyyə və kredit" ixtisası üzrə bakalavr təhsili, daha sonra isə Pakistanın Lahor İdarəetmə Elmləri Universitetində biznesin idarə edilməsi üzrə magistr təhsili almışdır.

2017-ci ildə ABŞ-də aqrobiznes üzrə SABIT (Special American Business Internship Training) proqramının iştirakçısı olmuşdur.

Karyerası

Məcnun Məmmədov əmək fəaliyyətinə "AER" MMC-də başlayıb. 2010–2011-ci illərdə həmin qurumun direktoru olub. Daha sonra 2011–2018-ci illərdə "Paşa Holdinq"ə bağlı olan "PMD Group" şirkətində müxtəlif vəzifələrdə çalışıb.

Məcnun Məmmədov həmçinin "Modern Group", "Deloitte", "ABN AMRO Bank Kazakhstan" şirkətlərində müxtəlif vəzifələri icra edib.

2018-ci ildən "Agro Food İnvestment" MMC-də direktor olub.

14 aprel 2023 tarixində Azərbaycan Respublikasının Prezidenti İlham Əliyevin sərəncamı ilə Məcnun Məmmədov Azərbaycan Respublikasının kənd təsərrüfatı naziri təyin edilmişdir.

İstinadlar

1. "Məcnun Məmmədov". www.agro.gov.az (az.). 2023-05-03 tarixində . İstifadə tarixi: 2023-05-03.
2. "Ona 8 ay əvvəl "Məcnun 5 il sonra özünü harada görür?" sualı verilmişdi – VİDEO". marja.az (az.). 2023-04-14 tarixində . İstifadə tarixi: 2023-04-14.
3. "Prezident yeni kənd təsərrüfatı naziri təyin edib". Report İnformasiya Agentliyi (az.). 2023-04-16 tarixində . İstifadə tarixi: 2023-04-16.
4. "Yeni kənd təsərrüfatı naziri təyin edilən Məcnun Məmmədov kimdir?" (ingilis). 2023-04-14. 2023-04-16 tarixində . İstifadə tarixi: 2023-04-16.
5. "Yeni nazir kimdir? — Dosye". Qafqazinfo (az.). 2023-04-14. 2023-04-18 tarixində . İstifadə tarixi: 2023-04-14.
6. "M.Q.Məmmədovun Azərbaycan Respublikasının kənd təsərrüfatı naziri təyin edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). 2023-04-14 tarixində . İstifadə tarixi: 2023-04-14.