Məbud Məhərrəmov

Məbud Məhərrəmov (12 mart 1957, Bakı) — Azərbaycan teatr və kino aktyoru, Azərbaycan Respublikasının xalq artisti (2006).

Məbud Məhərrəmov
Məbud Əliəsgər oğlu Məhərrəmov
Doğum tarixi	12 mart 1957(1957-03-12) (67 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ  Azərbaycan
Fəaliyyəti	aktyor
Mükafatları	2000 2006
IMDb	ID0535918

Həyatı

Məbud Məhərrəmov 1978-ci ildə Azərbaycan Dövlət İncəsənət İnstitutunun dram-kino aktyoru fakültəsini bitirib. 1978-ci ildən Səməd Vurğun adına Rus Dram teatrında aktyor vəzifəsində işləyir. Bu illər ərzində teatrın səhnəsində 50-dən çox rol oynamış, bir çox filmlərdə çəkilmişdir.

Onun yaratdığı: Ağasaf (M. İbrahimbəyov "Мужчина для молодой женщины"; azərb. "Gənc qadın üçün kişi"‎), Əmrah (Hidayət "Mənzil"), Ər (Elçin "Mənim ərim dəlidir"), Qannibal (J. Patrik "Странная миссис Сэвидж"; azərb. "Qəribə missis Sevic"‎), Şut (U. Şekspir "Kral Lir") kimi obrazları aktyorun rəngarəng yaradıcılıq palitrasının nümunələrindəndir.

M. Məhərrəmov bundan başqa bir çox filmlərdə və televiziya filmlərində çəkilmişdir. "Деловая поездка" ("İşgüzar səfər"), "Park", "Другая жизнь" ("Özgə ömür"), "В условиях неочевидности" ("Qeyri-müəyyənlik şəraitində"), "Семейный круг" ("Ailə çevrəsi") kimi filmlərdə aktyor maraqlı, yaddaqalan rollar oynamışdır.

2000-ci ildə M. Məhərrəmov Azərbaycan Respublikasının Əməkdar Artist, 2006-cı ildə isə Azərbaycan Respublikasının Xalq Artisti fəxri adlarına layiq görülmüşdür.

2006-cı, 2012-ci, 30 aprel 2014-cü ildə və 6 may 2015-ci ildə Prezident Mükafatına layiq görülmüşdür. 6 may 2016-cı ildə Azərbaycanın Respublikası Prezidentinin fərdi təqaüdünə layiq görülmüşdür.

Filmoqrafiya

1. Ailə (film) (tammetrajlı bədii film)-rol: qaçqın
2. Aşkarsızlıq şəraitində... (film, 1986)
3. Bir anın həqiqəti (film, 2003)
4. Cavid ömrü (film, 2007)
5. Dronqo (serial, 2002)
6. Etimad telefonu (film, 2001)
7. Fatehlərin divanı (film, 1997)
8. Güllələnmə təxirə salınır!... (film, 2002)
9. Həyət (film, 2015) (qısametrajlı bədii film)
10. Hücum (film, 1989)
11. Xüsusi vəziyyət (film, 1986)
12. İşgüzar səfər (film, 1982)
13. Qala (film, 2008)
14. Qorxma, mən səninləyəm! 1919 (film, 2013)
15. Məşədi İbad-94 (film, 2005)
16. Murad-Sad (film, 1988)
17. Nə gözəldir bu dünya... (film, 1999)
18. Nigarançılıq (film, 1998)
19. Onun atası (film, 2016)
20. Özgə ömür (film, 1987)-Müstəntiq
21. Park (film, 1983)
22. Sirr (serial, 2012)
23. Sübhün səfiri (film, 2012)
24. Təhminə (film, 1993)
26. Yaşıl eynəkli adam (film, 1987)
27. Yaşıl eynəkli adam-2 (film, 1999)-Qərib
28. Yaşıl eynəkli adam-3 (film, 2002)-Qərib
29. Yumurta (film, 2003)
30. Xeyirlə şərin rəqsi (film, 2015)
31. Ana və poçtalyon (2020)
32. Olimpia (film, 2021)

İstinadlar

1. Lider TV. "Xalq artisti Məbud Məhərrəmov yubileyə hazırlaşır" (az.). Youtube.com. 02.03.2017. 2023-08-01 tarixində . İstifadə tarixi: 2017-03-03.
2. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-04-07 tarixində . İstifadə tarixi: 2014-04-30.
3. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-12-27 tarixində . İstifadə tarixi: 2015-09-03.
4. President. "Azərbaycan mədəniyyət xadimlərinə Azərbaycan Respublikası Prezidentinin fərdi təqaüdlərinin verilməsi haqqında Azərbaycan Respublikası Prezidentinin Sərəncamı" (az.). President.az. 6 may 2016. 2016-05-21 tarixində . İstifadə tarixi: 2016-05-06.

Xarici keçidlər

• http://www.mct.gov.az/?/az/culturalworkers/2055/1006
• "Senyor Todero xuliqan" Dövlət Rus Dram Teatrında