Mariana Maççukato

Mariana Maççukato — italiyan əsilli amerikalı iqtisadçı və professor.

Mariana Maççukato
Doğum tarixi	16 iyun 1968(1968-06-16)(55 yaş)
Doğum yeri	Roma, Roma əyaləti^[d], Latsio, İtaliya
Təhsili	Yeni məktəb (Doktorantura, 1999) Yeni məktəb (Magistratura, 1994) Tafts Universiteti (Bakalavr, 1990)
Fəaliyyəti	iqtisadçı, universitet müəllimi^[d]
Mükafatları
marianamazzucato.com
Vikianbarda əlaqəli mediafayllar

Hazırda London Universitet Kolleci nəzdnində qurucusu olduğu İnnovasiya və İctimai Dəyər İnstitutuna rəhbərlik edən Maççukato ictimai sektorun innovasiyadakı yerinə dair tədqiqatlarına görə tanınır. Onun tədqiqat sahəsi sözügedən mövzu ilə yanaşı, iqtisadiyyatda dəyər anlayışını da əhatə edir. ABŞ-də çap olunan "The New Republic" jurnalı Maççukatonu innovasiya sahəsində üç ən mühüm mütəfəkkirdən biri kimi xarakterizə etmişdir.

Mariana Maççukato innovasiya iqtisadiyyatı, dəyər nəzəriyyəsi və siyasi iqtisadiyyat sahələri üzrə çoxsaylı nəşrlərə malikdir. Bunların sırasına "Sahibkar dövlət: İctimai və Özəl Sektor Miflərini Dağıtmaq", "Hər Şeyin Dəyəri: Qlobal İqtisadiyyatda Yaratmaq və Almaq" və "Missiya İqtisadiyyatı: Kapitalizmi Dəyişdirmək üçün Ay Səyahəti Bələdçisi" kimi kitablar aiddir.

Maççukato 2021-ci ildə İtaliya Respublikasının ən yüksək mülki mükafatı olan ilə təltif edilmişdir.

Həyatı

Mariana Maççukato 16 iyun 1968-ci ildə Romada Ernesto və Alessandra Maççukatonun ailəsində doğulmuşdur. Maççukato ailəsi Ernestonun Prinston Universitetinin Plazma fizikası laboratoriyasında çalışmağa başlamasının ardınca ABŞ-yə köçmüşdür.

Mariana Maççukato 1986-cı ildə Prinston orta məktəbini bitirmiş, ardınca Tafts Universitetində beynəlxalq münasibətlər ixtisası üzrə bakalavr təhsili almışdır. Nyu-Yorkda yerləşən Yeni Məktəbdə iqtisadiyyat sahəsində magistratura (1994) və ardınca doktorantura təhsili almışdır (1999).

Ailəsi

Maççukato italyan əsilli film istehsalçısı Karlo-Kresto Dina ilə evlidir və 4 uşağı var.

Elmi fəaliyyəti

Maççukatonun elmi tədqiqat sahəsi şirkətlər, ayrı-ayrı sferalar və ölkələr səviyyəsində innovasiya, dövlət siyasəti, maliyyə bazarları və iqtisadi artım kimi faktorlar arasındakı əlaqəni əhatə edir. Tədqiqatlarında Şumpeter təsiri vardır və əsasən təkamül iqtisadiyyatı əsərlərinin nəzəri strukturunun nüvəsini təşkil edir.

Seçilmiş əsərləri

• "Sahibkar dövlət: İctimai və Özəl Sektor Miflərini Dağıtmaq", 2013.
• "Hər Şeyin Dəyəri: Qlobal İqtisadiyyatda Yaratmaq və Almaq", 2018.
• "Missiya İqtisadiyyatı: Kapitalizmi Dəyişdirmək üçün Ay Səyahəti Bələdçisi", 2021.

İstinadlar

1. Mariana Mazzucato // Catalogue of the Library of the Pontifical University of the Holy Cross.
2. https://viaf.org/processed/SUDOC%7C061118591.
3. "Curriculum Vitae" (PDF). Official website. Mariana Mazzucato. 2022-08-04 tarixində (PDF). İstifadə tarixi: 2022-05-23.
4. Wolf, Martin. "Who creates a nation's economic value?". Financial Times. 24 aprel 2018. 4 August 2022 tarixində . İstifadə tarixi: 21 may 2022.
5. Judis, John B. "The Three Most Important Thinkers About Innovation You Need To Know". The New Republic. 21 avqust 2013. 2021-03-08 tarixində . İstifadə tarixi: 2022-06-19.
6. "University College London". 23 sentyabr 2021. 28 May 2022 tarixində . İstifadə tarixi: 21 may 2022.
7. "Alessandra Mazzucato". towntopics.com (ingilis). "Town Topics" qəzeti. 2022-06-02 tarixində . İstifadə tarixi: 30 iyun 2022.