Məmməd Abbasbəyli

Abbasbəyli Məmməd Aslan oğlu (17 may 1975, Gəncə şəhəri) — ABŞ-ın Nyu-York ştatının Vəkillər Kollegiyasının (New York Bar) həqiqi üzvü, İqtisadiyyat nazirinin müşaviri (2019–2020), Antiinhisar və İstehlak Bazarına Nəzarət Dövlət Xidmətinin rəisi.

Abbasbəyli Məmməd
Abbasbəyli Məmməd Aslan oğlu
Antiinhisar və İstehlak Bazarına Nəzarət Dövlət Xidmətinin rəisi
Vəzifədədir
2021-ci ildən
"Bakı Metropoliteni" Qapalı Səhmdar Cəmiyyətinin Müşahidə Şurasının üzvü
Vəzifədədir
2021-ci ildən
İqtisadiyyat nazirinin müşaviri
2019 – 2020
Şəxsi məlumatlar
Doğum tarixi	17 may 1975(1975-05-17) (49 yaş)
Doğum yeri	Kirovabad, Azərbaycan SSR, SSRİ
Partiya	Yeni Azərbaycan Partiyası
Təhsili	Xəzər Universiteti, Bakı Dövlət Universiteti
İxtisası	Hüquqşünas
Atası	Aslan Abbasov
Dini	İslam
Elmi fəaliyyəti
İş yeri	Antiinhisar və İstehlak Bazarına Nəzarət Dövlət Xidməti

Həyatı

1975-ci il mayın 17-də Gəncə şəhərində anadan olmuşdur. 1992–1997-ci illərdə Xəzər Universitetində Beynəlxalq əlaqələr və Bakı Dövlət Universitetində Hüquq üzrə ali təhsil almışdır. 1999-cu ildə ABŞ-ın Perdyu Universitetində (Purdue University) ABŞ-ın xarici siyasət tarixi, 2000-ci ildə ABŞ-ın Corc Vaşinqton Universitetində (George Washington University) Hüquq üzrə magistr dərəcələri almışdır.

Ailəsi

Ailəlidir, 3 övladı var.

Fəaliyyəti

Əmək fəaliyyətinə 2000-ci ildə ABŞ-ın Nyu-York şəhərində yerləşən "Salans Hertzfeld & Heilbronn" hüquq şirkətində başlayıb və 2003-cü ilədək şirkətin Bakı ofisində fəaliyyətini davam etdirib. 2000-ci ildən ABŞ-ın Nyu-York ştatının Vəkillər Kollegiyasının (New York Bar) həqiqi üzvüdür. 2004–2008-ci illərdə "Azpetrol International Holdings B. V.", "EUPEC Pipe-Coatings LLC" və "BP Group" kimi bir sıra iri xarici sənaye və investisiya korporasiyalarında hüquqşünas, hüquq bölməsinin rəhbəri və baş menecer vəzifələrində çalışıb.

2009–2014-cü illərdə Azərbaycanda aktivlərin idarə olunması üzrə fəaliyyət göstərən "CRA Group" şirkətinin baş icraçı direktoru vəzifəsində çalışıb. Eyni dövrdə, mobil və stasionar rabitə və telekommunikasiya şirkətlərinin, xarici qızıl və əlvan metal hasilatı şirkətinin, neft-qaz və iri tikinti sənayəsi şirkətlərinin direktorlar şuralarının üzvü, həmsədri və sədri kimi fəaliyyət göstərib.

2013–2014-cü illərdə ADA Universitetinin biznes fakültəsinin Himayədarlar Şurasının üzvü və Şura nəzdindəki komitənin həmsədri olub.

2016-cı ildə Azərbaycan Alpinizm Federasiyasının prezidenti seçilib və 52 gün fəaliyyət göstərib. (16.02.2016 - 09.04.2016)

2019–2020-ci illərdə İqtisadiyyat nazirinin müşaviri vəzifəsində çalışıb.

2020-ci Azərbaycan Respublikasının İqtisadiyyat Nazirliyi yanında Sahibkarlığın İnkişafı Fondunun Müşahidə Şurasının üzvü və Azərbaycan Respublikasının İqtisadiyyat Nazirliyinin Apellyasiya Şurasının üzvü təyin edilib.

Azərbaycan Respublikasının Prezidentinin 8 iyul 2020-ci il tarixli Sərəncamı ilə Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəis müavini vəzifəsinə təyin edilib.

Azərbaycan Respublikasının Prezidentinin 30 mart 2021-ci il tarixli Sərəncamı ilə "Bakı Metropoliteni" Qapalı Səhmdar Cəmiyyətinin Müşahidə Şurasının üzvü təyin edilib.

Azərbaycan Respublikasının Prezidentinin 23 dekabr 2021-ci il tarixli Sərəncamı ilə Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi vəzifəsinə təyin edilib.

İstinadlar

1. "Abbasbəyli Məmməd Aslan oğlu". 2023-01-28 tarixində . İstifadə tarixi: 2023-11-19.
2. "Məmməd Abbasbəyli Dövlət Xidmətinə rəis təyin edildi". 2023-11-19 tarixində . İstifadə tarixi: 2023-11-19.
3. "Prezidentin yüksək vəzifə verdiyi Məmməd Abbasbəyli kimdir? - DOSYE". 2023-11-19 tarixində . İstifadə tarixi: 2023-11-19.
4. "Prezidentin yüksək vəzifə verdiyi Məmməd Abbasbəyli kimdir?". 2022-09-28 tarixində . İstifadə tarixi: 2023-11-19.
5. "Alpinizm Federasiyasının rəhbərliyində dəyişiklik". turan.az (az.). 2024-02-28. 2024-02-28 tarixində . İstifadə tarixi: 2024-02-28.
6. "Alpinizm Federasiyasına yeni prezident seçilib". Oxu.Az (az.). 2016-02-16. İstifadə tarixi: 2024-02-28.
7. "Alpinizm Federasiyasına yeni prezident seçilib". Azərtac. 2019-04-08 tarixində . İstifadə tarixi: 2024-02-28.
8. "Yerli şirkətlərə hansı halda güzəşt olunacaq?". 2023-11-19 tarixində . İstifadə tarixi: 2023-11-19.
9. "Məqsədimiz sahibkarlar üçün bərabər imkanlar yaratmaqdır - Məmməd Abbasbəyli". 2023-11-19 tarixində . İstifadə tarixi: 2023-11-19.
10. "Məmməd Abbasbəyli: Keyfiyyətlə bağlı ilin sonunda ölkədə böyük sıçrayış olacaq". 2023-11-19 tarixində . İstifadə tarixi: 2023-11-19.
11. "Bakı Metropoliteni" Qapalı Səhmdar Cəmiyyətinin Müşahidə Şurası
12. "Bakı Metropoliteni" Qapalı Səhmdar Cəmiyyətinin Müşahidə Şurasının tərkibinin təsdiq edilməsi haqqında
13. "M.A.Abbasbəylinin Azərbaycan Respublikasının İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidmətinin rəisi təyin edilməsi haqqında Azərbaycan Respublikası Prezidentinin Sərəncamı". 2022-01-15 tarixində . İstifadə tarixi: 2023-11-19.
14. "Məmməd Abbasbəyli Dövlət Xidmətinin rəisi təyin edildi". 2023-11-19 tarixində . İstifadə tarixi: 2023-11-19.
15. "İqtisadiyyat Nazirliyi Məmməd Abbasbəylinin rəis təyin edilməsilə bağlı məlumat yaydı". 2023-11-19 tarixində . İstifadə tarixi: 2023-11-19.