Levon Mnatsakanyan

Levon Mnatsakanyan (erm. Լեւոն Մնացականյան; 14 sentyabr 1955, Stepanakert) — Ermənistan siyasətçisi, Qondarma DQR-nin keçmiş Müdafiə naziri.

Levon Mnatsakanyan
erm. Լյովա Հենրիխի Մնացականյան
Qondarma Dağlıq Qarabağ Respublikasının müdafiə naziri^[d]
15 iyun 2015 – 14 dekabr 2018
Şəxsi məlumatlar
Doğum tarixi	14 sentyabr 1955(1955-09-14) (68 yaş)
Doğum yeri	Stepanakert, DQMV, Azərbaycan SSR, SSRİ
Təhsili	Ermənistan Milli Politexnik Universiteti^[d], Rusiya Federasiyası Silahlı Qüvvələri Baş Qərargahının Hərbi Akademiyası^[d]
Fəaliyyəti	məmur, hərbi qulluqçu
Hərbi xidmət
Qoşun növü	quru qoşunları
Döyüşlər	Birinci Qarabağ müharibəsi, İkinci Qarabağ müharibəsi
Rütbəsi	general-leytenant
Təltifləri

29 sentyabr 2023-cü ildə Azərbaycan hüquq-mühafizə xidməti tərəfindən saxlanılmışdır.

Həyatı

Levon Mnatsakanyan 1965-ci ildə Xankəndi şəhərində erməni ailəsində anadan olmuşdur. Mnatsakanyan hərbi xidmətə 1983-cü ildə Sovet Ordusuna qoşulmuş, Belorusiya Hərbi Dairəsində xidmət etmişdir. 1989-cu ildə fərqlənmə diplomu ilə bitirmişdir. Sovet İttifaqının dağılmasından sonra Ermənistanda ordu quruculuğunda rol oynamış, Qondarma DQR Müdafiə Ordusunda və Ermənistan Silahlı Qüvvələrində artilleriya bölmələrində xidmət etmişdir. O, 2005-ci ildə Rusiya Silahlı Qüvvələri Baş Qərargahının Hərbi Akademiyasını bitirmişdir. Həmin ilin sonunda Qarabağa qayıdıb müdafiə ordusu komandirinin müavini olmuşdur.

Levon Mnatsakanyan 2015-ci ildə prezident Bako Saakyan tərəfindən müdafiə naziri təyin edilmişdir. 2018-ci ilin dekabrında vəzifəsindən azad edilmişdir. O, daha sonra Fövqəladə Hallar üzrə Dövlət Xidmətinin direktoru vəzifəsinə təyin edilmişdir. O, 2019-cu ilin iyununda vəzifəsindən azad edilmiş və Qondarma DQR polisinin rəisi təyin olunmuşdur. Hazırda evlidir və üç oğlu var.

2020-ci ildə İkinci Qarabağ müharibəsində iştirak etmişdir. Müharibənin sonuna yaxın, Şuşa döyüşü zamanı Mnatsakanyan yaxınlıqdakı Şuşakənddə yerləşdirilmiş erməni qoşunlarına komandanlıq etmişdir.

29 sentyabr 2023-cü ildə Arşavir Qaramyan ilə birlikdə Qarabağdan Ermənistana gedərkən Azərbaycan hüquq-mühafizə xidməti tərəfindən "Laçın" sərhəd-buraxılış məntəqəsində saxlanılmışdır.

Mükafatlar

• İki dəfə "Döyüş xaçı" ordeni
• "Müqəddəs Vardan Mamikonyan" ordeni
• "Vətənə xidmətə görə" medalları
• "Marşal Baqramyan" medalı
• "Andranik Ozanyan" medalı
• "Admiral İsakov" medalı

İstinadlar

1. "Xocalı qatili və keçmiş "müdafiə naziri" saxlanıldı". Axar.Az. 29 sen 2023.
2. "Levon Mnatsakanyan appointed head of Artsakh state service on emergency situations". news.am (ingilis). 2018-12-15 tarixində . İstifadə tarixi: 2020-08-31.
3. "Levon Mnatsakanyan is appointed Chief of Artsakh Police". mediamax.am (ingilis). 2019-06-12 tarixində . İstifadə tarixi: 2020-08-31.
4. "Levon Mnatsakanyan appointed Police Chief of Artsakh". ՌԱԿ ՄԱՄՈՒԼ (ingilis). 2019-06-11. 2023-09-30 tarixində . İstifadə tarixi: 2020-08-31.
5. "Министром обороны Нагорного Карабаха назначен Левон Мнацаканян". Радио Свобода (rus). 2017-08-09 tarixində . İstifadə tarixi: 2017-07-20.
6. "Karen Abrahamyan is new Artsakh Defense Minister". mediamax.am (ingilis). 2020-02-28 tarixində . İstifadə tarixi: 2020-08-31.
7. "Артур Ванецян опроверг заявления Аргишти Кярамяна" [Artur Vanetsyan denied Argishti Kyaramyan's statements]. ArmenianReport (rus). 20 January 2021 tarixində arxivləşdirilib. İstifadə tarixi: 21 January 2021.
8. "Xocalı qatili və keçmiş "müdafiə naziri" saxlanıldı". Axar.Az. 29 sen 2023. 2023-09-30 tarixində . İstifadə tarixi: 2023-09-29.