Bu səhifədə iş davam etməkdədir Müdaxilə etməyə tələsməyin əgər kömək etmək istəyirsinizsə ya da səhifə yarımçıq qalıbsa

Könül Qabil qızı Hüseynova — Azərbaycanlı bəstəkar, sənətşünaslıq üzrə fəlsəfə doktoru, professor.

Könül Hüseynova
Könül Qabil qızı Hüseynova
Konsert öncəsi
Digər adı	Könül Atakişiyeva
Doğum tarixi	8 yanvar 1981(1981-01-08) (43 yaş)
Doğum yeri	Bakı, Azərbaycan SSR
Vətəndaşlığı	Azərbaycan
Həyat yoldaşı	Rəşad Atakişiyev
Atası	Qabil Hüseynli
Milliyyəti	Azərbaycanlı
Dini	İslam
Təhsili	Bülbül adına Orta İxtisas Musiqi Məktəbi^[d], Bakı Musiqi Akademiyası
Fəaliyyəti	Bəstəkar - pianoçu
Elmi dərəcəsi	sənətşünaslıq üzrə fəlsəfə doktoru
Elmi adı	Professor
Mükafatları	Tərəqqi medalı, Humay mükafatı

Təhsili

1998-ci ildə Bülbül adına Orta İxtisas Musiqi Məktəbini fərqlənmə attestatı ilə bitirib. Təhsildəki uğurlarına görə Bülbül adına Orta İxtisas Musiqi Məktəbinin “Fəxri fərmanı” ilə təltif olunub. 1998-ci ildə Bakı Musiqi Akademiyasının fortepiano şöbəsinə daxil olaraq professor Y.Sabayevin sinfində təhsil alıb. 2002-ci ildə həmin təhsil ocağının bakalavr, 2004-cü ildə isə magistr pillələrini fərqlənmə diplomları ilə bitirib. Təhsil illərində Niyazi adına təqaüdə layiq görülüb. 2004-cü ildə daxil olduğu Bakı Musiqi Akademiyasının əyani aspiranturasında bütün minimumları əla qiymətlərlə tamamlayaraq vaxtından əvvəl dissertasiya işini müdafiəyə təqdim etmiş, 2008-ci ilin may ayında “Azərbaycan musiqi mədəniyyətinin inkişafında Fərhad Bədəlbəyli yaradıcılığının yeri və rolu” mövzusunda namizədlik dissertasiyasını müvəffəqiyyətlə müdafiə etmiş və sənətşünaslıq üzrə fəlsəfə doktoru elmi dərəcəsinə layiq görülmüşdür.

2008-ci ildə Bakı Musiqi Akademiyasının assistent stajorluq pilləsini də fərqlənmə ilə bitirmişdir.

Pedaqoji fəaliyyəti

2004-cü ildən Bakı Musiqi Akademiyasının "Konsertmeyster ustalığı” kafedrasında müəllim, 2008-ci ildə baş müəllim, 2010-cu ildən dosent, 2021-ci ildən isə professor vəzifəsində çalışır.

2010-cu ildən həmçinin 1 saylı "İxtisas fortepiano" kafedrasında da fəaliyyət göstərir.

Elmi və yaradılıq fəaliyyəti

Könül Hüseynova, həmçinin 22 ç.v. həcmində "Musiqimizin Fərhadı" adlı monoqrafiyanın, "R.Şumanın "Şairin məhəbbəti" vokal silsiləsinin ifaçılıq xüsusiyyətləri" adlı dərs vəsaitinin, professor Y.Sabayevin metodikası, “Robert Şumanın “Simfonik etüdlər” silsiləsinin ifaçılıq xüsusiyyətləri” və s. mövzuları əhatə edən elmi əsərlərin müəllifidir və o, hazırda yeni elmi tədqiqat mövzuları, həmçinin doktorluq dissertasiyası üzərində işlərini davam etdirir. 30-dan artıq elmi məqalənin və 2 metodik vəsaitin müəllifidir.

2007-ci ildə Azərbaycan Respublikası Mədəniyyət və Turizm Nazirliyi tərəfindən keçirilmiş “Elmi məqalələr müsabiqəsi”ndə diploma layiq görülmüşdür. Onun “Musiqimizin Fərhadı” adlı monoqrafiyası 2008-ci ildə Kitab Nominasiyası üzrə “Humay” Milli Mükafatına layiq görülmüşdür. Fərhad Bədəlbəyli yaradıcılığının bütün sahələrini əks etdirən, 2011-ci ilin 23 fevral tarixində təqdimatı keçirilmiş elmi saytın müəllifidir. O, həmçinin əməkdar incəsənət xadimi, professor Nailə İbrahimovanın həyat və yaradıcılığını əks etdirən kitabın və bu mövzuda çəkilmiş “Qəlbimizdə yaşayan insan” sənədli filminin ssenari müəllifi olaraq səsləndirilməsini də həyata keçirmişdir.

R.Şumanın “Şairin məhəbbəti” vokal silsiləsi (2013) və R.nun "Məzhəkəçilər" operası (2015), Ş.Qunonun “Faust” operasından səhnələr (2018), Heydər Əliyevin 100 illik yubileyinə həsr olunmuş (2023), Gənclər gününə həsr olunmuş “İstedadlı gənclərin musiqi dünyası” (2024) adlı iri həcmli opera səhnələrindən və instrumental musiqidən ibarət və b. konsert-layihələrini tələbələri ilə birlikdə uğurla təqdim etmişdir. Könül Hüseynovanın tələbələri Beynəlxalq və Resbublika müsabiqələrinin laureatlarıdırlar.

Könül Hüseynova son zamanlarda vətənpərvərlik mövzusunda ciddi bəstəkarlıq fəaliyyəti ilə məşğul olmaqdadır. Onun 2020-ci ilin noyabr ayında şəhidlərimizə və müzəffər ordumuzun erməni işğalçıları üzərində qazandığımız qələbəmizə həsr edilmiş, söz və musiqisinin özünə məxsus olduğu, Xalq artistləri Fidan Hacıyeva və Samir Cəfərovun ifasında “Yenilməzsən Azərbaycan” musiqili layihəsi təqdim olunmuşdur. Bunlardan əlavə bu mövzuda “Şəhidlik zirvəsində”(söz. Xalq şairi Vahid Əziz), “Şuşam mənim” (söz. Xalq şairi Vahid Əziz), ”Murov qartalı” ( söz. Könül Hüseynova) “Zəfər”(söz. Ramiz Abdullayev), “Yuxunda görmüsən” ”(söz. Xalq şairi Vahid Əziz), , “Qəhrəman övladıyıq” ( söz. Könül Hüseynova), “Qoruyaq dünyamızı” (söz. Xalq şairi Vahid Əziz), “Vətən qəhrəmanı” (söz. Xalq şairi Vahid Əziz), “Azərbaycan əsgəri” (söz. H.Mansurov) mahnıları da məşhur ifaçılar tərəfindən ifa olunur. Bu mahnılardan əlavə müxtəlif mövzuları əks etdirən “Deyəsən” (söz. Xalq şairi Vahid Əziz), “Fərəh” (söz. Könül Hüseynova), “Oğlum” (söz. Könül Hüseynova) mahnıların da müəllifidir.

Fəxri adlar

Ü.Hacıbəyli adına Bakı Musiqi Akademiyasının əməkdaşlarının təltif edilməsi haqqında Azərbaycan Respublikası Prezidentinin 17 sentybr 2021-ci il tarixli sərəncamına əsasən “TƏRƏQQİ” medalı ilə təltif edilmişdir.

Beynəlxalq müsabiqə

2023-cü ildə Türkiyənin Antalya şəhərində keçirilən Harmony XI Beynəlxalq İfaçılıq müsabiqəsində fortepiano dueti nominasiyası üzrə 1-ci dərəcəli mükafata layiq görülərək qalibi olmuşdur. Elə həmin müsabiqə çərçivəsində keçirilən festivalda da müəllifi olduğu “Qoruyaq dünyamızı” əsəri ilə uğurla çıxış etmişdir. Qeyd edək ki, qeyd olunan müsabiqə və festivalda Könül Hüseynovanın duet həmkarı Azərbaycan Respublikasının əməkdar artisti Nigar Məlikova idi.

Konsertlər

Könül Hüseynova eyni zamanda solo və konsertmeyster kimi ölkəmizdə və xaricdə keçirilən konsertlərdə çıxış edir. Buna misal olaraq Fransanın Paris şəhərində Bakı Mədəniyyət Evinin konsert salonunda Xalq artisti Fidan Hacıyeva ilə birgə konsertini (24 may 2022), Beynəlxalq Muğam Mərkəzinin səhnəsində qardaşı, Almaniyada fəaliyyət göstərən pianoçu, Beynəlxalq müsabiqələr laureatı, Toğrul Hüseynli ilə birgə “Romantik ruhun yüksəlişi” adlı konsert proqramını (23 dekabr, 2023), Azərbaycanın möhtəşəm səhnələri- Heydər Əliyev sarayı, Heydər Əliyev Mərkəzi, Şuşa şəhərində keçirilən konsert tədbirlərində və b. böyük konsert salonlarındakı çıxışlarını misal göstərmək olar.

Beynəlxalq konfranslar

1. F.Bədəlbəylinin 70 illik yubileyinə həsr olunmuş elmi - praktik konfrans. “Fərhad Bədəlbəylinin ifaçılıq sənətinin xüsusiyyətləri” mövzusunda çıxış. 2017.

2. Əməkdar İncəsənət Xadimi , professor Nailə İbrahimovanın xatirəsinə həsr olunmuş “Azərbaycan konsertmeyster sənətinin inkişafında professor Nailə İbrahimovanın yeri və rolu” mövzusunda elmi - praktik konfrans. 2019.

3. “Şərq-Qərb Musiqi Mədəniyyətlərinin Dialoqları” adlı Beynəlxalq elmi-praktik konfrans. Bakı 2021.

4.“Şərq-Qərb Musiqi Mədəniyyətlərinin Dialoqları” adlı Beynəlxalq elmi-praktik konfrans. Bakı 2022.

5. “Rast Music Congress” adlı Beynəlxalq konfrans. Türkiyə - Antalya 2023.

6. “Şəxsiyyət- təhsil-yaradıcılıq” XXI əsrin musiqi mədəniyyətində mövzusunda I Beynəlxalq elmi-praktik konfrans. Qazaxıstan - Almatı 2024.

7.“Şuşanın musiqi mədəniyyəti: tarix və inkişaf perspektivləri” adlı beynəlxalq elmi - praktiki konfrans. Bakı 2024.

Həmçinin bax

Mənbə

"Qabil Hüseynlinin musiqiçi qızı - Mətin pilot xanımı". Axar.Az (az.). 2019-08-25. İstifadə tarixi: 2024-06-30.
"Üzeyir Hacıbəyli adına Bakı Musiqi Akademiyasının əməkdaşlarının təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az (az.). İstifadə tarixi: 2024-06-30.
"Bakı Musiqi Akademiyasının 100 illiyi münasibətilə bir qrup əməkdaşı təltif olunub". medeniyyet.az (ingilis). İstifadə tarixi: 2024-06-30.
"Qabil Hüseynlinin qızı, şəhid pilotun xanımı (DOSYE)". BAKU.NEWS (az.). İstifadə tarixi: 2024-06-30.
modern.az. "Məşhurların övladları: Qabil Hüseynlinin musiqiçi qızı - Mətin pilotun xanımı - DOSYE". modern.az (az.). İstifadə tarixi: 2024-06-30.
anews.az. "Qabil Hüseynlinin musiqiçi qızı: Mərhum pilot xanımı - DOSYE". anews.az (az.). İstifadə tarixi: 2024-06-30.
"Polkovnik-leytenant Rəşad Atakişiyevin şəhidlik zirvəsinə ucalmasından iki il ötür". Oxu.az (az.). İstifadə tarixi: 2024-06-30.
"4 ildir inandıra bilməyən quş nağılı: MiQ-29 və Rəşad Atakişiyev gerçəyi". worldinfo.az (az.). 1970-01-01. İstifadə tarixi: 2024-06-30.
"Rəşad Atakişiyevin xanımının bəstəsinə klip çəkildi". Qafqazinfo (az.). 2021-05-26. İstifadə tarixi: 2024-06-30.
"Şəhid polkovnik-leytenant Raquf Orucova mahnı həsr edilib - VİDEO". Şəhid polkovnik-leytenant Raquf Orucova mahnı həsr edilib - VİDEO. İstifadə tarixi: 2024-06-30.
"Sonuncu uçuş, müəmmalı qəza, qəhrəman pilotun ölümünün sirri… » Cenub.az - Regional Qazet". Cenub.az - Regional Qazet (türk). 0302. İstifadə tarixi: 2024-06-30.
"Rəşad Atakişiyevin həyat yoldaşı: "Onun yolunu övladları davam etdirəcək"". a-r.az (az.). İstifadə tarixi: 2024-06-30.
""Yenilməzsən Azərbaycan" təqdim olundu - VİDEO". publika.az (az.). 2021-02-04. İstifadə tarixi: 2024-06-30.