Kadi (futbolçu)

Vikipediyada bu adlı digər şəxslər haqqında da məqalələr var; bax: Kadi.

Kadi Luri Borqes Malinovski (2 may 1996, Kuritiba) — Braziliyalı futbolçu. Mövqeyi hücuma meyilli yarımüdafiəçidir. Rusiya Premyer Liqasında çıxış edən Krasnodar futbol klubunun oyunçusu. Daha çox Kadi adı ilə tanınır.

Kadi Borqes
Kadi Luri Borges Malinovski
Ümumi məlumatlar
Tam adı	Kady Luri Borges Malinovski
Doğum tarixi	2 may 1996(28 yaş)
Doğum yeri	Kuritiba
Vətəndaşlığı	Braziliya
Boyu	1,73
Mövqeyi	Yarımüdafiəçi
Əsas ayağı	Sol
Klub haqqında məlumat
Klub	Krasnodar
Nömrəsi	20
Karyerası
Gənclik karyerası 0000 Klub karyerası 2016–19 Koritiba FK 26 (3) 2019 Estoril FK 6 (1) 2020–21 Vilafranquense 31 (5) 2021–2023 Qarabağ FK 36 (13) 2023–h.h Krasnodar 26 (4)
Milli çempionatların müxtəlif liqalarında peşəkar klubların heyətində keçirdiyi oyunların və vurduğu qolların sayı, 9 aprel 2024 tarixində redaktə olunub.
Vikianbarda əlaqəli mediafayllar

Karyerası

Futbolçu karyerasına 2016-cı ildə Braziliyanın "Koritiba" klubunda başlayır. Kadi "Koritiba"nın heyətində ilk ilində 3 dəfə meydana çıxır.

2017-ci ildə futbolçu qısa müddətlik Braziliyanın başqa bir klubu olan "Londirina" klubuna icarəyə verilir. Kadi "Koritiba"nın heyətində ümumilikdə 31 oyunda meydana çıxıb 4 dəfə fərqlənir.

2019-cu ildə Kadinin Avropa macərası başlayır və futbolçu 2019/20 mövsumun əvvəlində Portuqaliyanın "Eştoril" klubuna keçir. "Eştoril"də qısa müddətdə 6 oyuna çıxıb bir qol vuran futbolçu, digər bir Portuqaliya klubu olan "Vilafranquense" klubuna keçir. Burada ilk mövsumdə cəmi 4 oyuna çıxaraq 2019/20 mövumunu orada bitirir. Kadinin "Vilafranquense"nin heyətində keçirdiyi ikinci mövsumundə, 29 oyunda meydana çıxır və 5 qol vurur.

Qarabağ

11 iyun 2021-ci ildə, Ağdamın Qarabağ klubu Kadi Luri Borges Malinovkini transfer etdiyini elan edir. Futbolçu "Qarabağ"da 20 nömrəli forma ilə çıxış edir.

Futbolçunun Qarabağın heyətində debütu, 26 iyun 2021 tarixində Keşlə klubu ilə olan yoldaşlıq oyununda baş tutur. Futbolçu bu yoldaşlıq oyununda Qarabağın heyətində ilk qolunuda vurur.

Kadinin Qarabağın heyətində rəsmi oyunda debütu isə, 22 iyul 2021-ci il tarixində UEFA Konfrans Liqasının 2-ci təsnifat mərhələsinin ilk oyunu çərçivəsində keçirilən "Qarabağ — Aşdod" oyununda baş verir. Futbolçunun Qarabağın heyətində rəsmi oyunlarda ilk qolu isə, yenə UEFA Konfrans Liqasının oyunlarında, bu dəfə 3-cü təsnifat mərhələsində baş tutmuş "Qarabağ — AEL" oyununun 87-ci dəqiqəsində qeydə alınır.

Futbolçunun Azərbaycan çempionatında debütu isə 14 avqust 2021-ci il tarixində keçirilmiş Zirə — Qarabağ oyununda baş verir. Futbolçu çempionatda ilk qolunu isə 25 oktyanr 2021-ci ildə Səbail klubu ilə səfər oyununda vurur.

16 sentyabr 2021-ci ildə Qarabağın heyətində avrokubokların qrup oyunlarında debüt edir. Bu UEFA Konfrans Liqasının ilk turunda baş tutmuş Qarabağ — Bazel oyununda baş verir.

Konfrans Liqasında qrup mərhələsinin II tur oyunlarından sonra UEFA-nın azarkeşlər arasında keçirdiyi səsvermə nəticəsində Kadi Borgesin Kiprdə "Omoniya"ya vurduğu ilk qol, turnirdə həftənin ən yaxşı qolu seçilir. Bu qol həm də Konfrans Liqasının 2021/22 mövsumundə qrup mərhələsində vurulan ən yaxşı qol adına namizəd olur.

Krasnodar

30 dekabr 2022-ci ildə, mətbuatda "Qarabağ" və Rusiyanın "Krasnodar" klubları Kadi Borgesin transferi ilə bağlı razılıq əldə etmələri və futbolçunun 2023-cü il yanvar ayının 12-də Dubayda "Krasnodar"la rəsmi müqavilə imzalayacağı haqqında məlumat peyda olur. 4 yanvar 2023-cü ildə "Qarabağ" klubu futbolçunun "Krasnodar" klubuna satıldığını rəsmən elan edir.

5 yanvar 2023-cü ildə Kadinin yeni klubu ilə illik 2 milyon avro maaş ilə 3 illik müqavilə bağlayacağı bilinir.

İştirak statistikası

Sonuncu dəfə 7 yanvar 2024 tarixində yeniləndi''.

İllər və klublara görə oyun və qol sayı

İllər	Klub	Oyun	Qol
2023-h.h	Krasnodar	32	7
2021–23	Qarabağ	75	28
2019–21	Vilafranquense	33	5
2019	Eştoril	6	1
2016–19	Koritiba	31	4

Uğurları

Klub

Qarabağ

• Azərbaycan Premyer Liqası
  • Qalib: (1): 2021/22
• Azərbaycan Kuboku
  • Qalib (1): 2021/22

Şəxsi

• Azərbaycan Premyer Liqasının bombardiri
  • Qalib (1): 2021/22

İstinadlar

1. "KADY". 2022-09-22 tarixində . İstifadə tarixi: 2021-06-11.
2. "Kady Iuri Borges Malinowski". 2021-06-11 tarixində . İstifadə tarixi: 2021-06-11.
3. "Kady Borges". 2021-06-11 tarixində . İstifadə tarixi: 2021-06-11.
4. "Qarabağdan yeni transfer". 2021-06-12 tarixində . İstifadə tarixi: 2021-06-11.
5. "Qarabağın legionerindən uğurlu debüt". 2022-02-07 tarixində . İstifadə tarixi: 2022-02-07.
6. "Qarabağ 0-0 Aşdod". 2022-02-07 tarixində . İstifadə tarixi: 2022-02-07.
7. ""Qarabağ" AEL-ə qalib gəlib pley-offa yüksəldi". 2022-02-07 tarixində . İstifadə tarixi: 2022-02-07.
8. "SƏBAIL VS. QARABAG 3 - 1". 2022-02-07 tarixində . İstifadə tarixi: 2022-02-07.
9. "Uşaqlıq arzusunu "Qarabağ"da gerçəkləşdirdi". 2022-02-07 tarixində . İstifadə tarixi: 2022-02-07.
10. "Qarabağ 0-0 Bazel". 2022-03-11 tarixində . İstifadə tarixi: 2022-02-07.
11. "Kadi Borqesin qolu Konfrans Liqasında ən yaxşı seçildi". 2022-02-07 tarixində . İstifadə tarixi: 2022-02-07.
12. "UEFA ən yaxşını seçdi: "Qarabağ"ın qolu..." 2022-02-07 tarixində . İstifadə tarixi: 2022-02-07.
13. "Kadinin qolu ən yaxşılar sırasında". 2022-02-07 tarixində . İstifadə tarixi: 2022-02-07.
14. sportlife. "SON DƏQİQƏ: Qarabağ Krasnodarla razılığa gəldi - Kadi bu tarixdə müqaviləyə imza atacaq". sportlife.az (az.). 2023-01-05 tarixində . İstifadə tarixi: 30 dekabr 2022.
15. qol.az. ""Qarabağ" Kadinin "Krasnodar"a keçdiyini rəsmən açıqladı". 2023-01-05 tarixində . İstifadə tarixi: 2023-01-05.
16. qol.az. "Kadinin yeni klubundakı illik gəliri". 2023-01-05 tarixində . İstifadə tarixi: 2023-01-05.
17. Sport Express. "«Краснодар» объявил о переходе бразильского полузащитника «Карабаха» Кади Боргеса". 2023-01-05 tarixində . İstifadə tarixi: 2023-01-05.
18. "Kadi transfermarkt.com". 2022-02-07 tarixində . İstifadə tarixi: 2022-02-07.
19. Kadi — Uğurları 2023-01-03 at the Wayback Machine Transfermarkt  (ing.)