Fərid Əliyev (solist)

Vikipediyada bu ad-soyadlı digər şəxslər haqqında da məqalələr var; bax: Fərid Əliyev.

Fərid Fərhad oğlu Əliyev (29 mart 1975, Bakı) — Azərbaycan Dövlət Akademik Opera və Balet Teatrının, və Azərbaycan Dövlət Musiqili Komediya Teatrının solisti, müəllimi. Azərbaycan Respublikasının Əməkdar artisti.

Fərid Əliyev
Fərid Fərhad oğlu Əliyev
Ümumi məlumatlar
Doğum tarixi	29 mart 1975(49 yaş)
Doğum yeri	Bakı, Azərbaycan SSR, SSRİ
Vətəndaşlığı	SSRİ→ Azərbaycan
Milliyyəti	azərbaycanlı
Musiqiçi məlumatları
Fəaliyyəti	müğənni
Təhsili	Azərbaycan Dövlət Mədəniyyət və İncəsənət Universiteti

Həyatı

Fərid Əliyev 29 mart 1975-ci ildə Bakı şəhərində anadan olmuşdur. 1994-cü ildə Ə.Əzimzadə adına Rəssamlıq məktəbini bitirmiş və həmin ildə Azərbaycan Dövlət Mədəniyyət və İncəsənət Universitetinin dizayn fakültəsinə daxil olmuşdur.

Bakı Musiqi Akademiyasıda təhsil alıb, lirik-tenor səsə malikdir.

1999-cu ildən Azərbaycan Dövlət Musiqili Komediya Teatrının solistidir.

İşlədiyi müddət ərzində "Vesyolaya vdova", "Maritsa", "Tsıqan premyer", "Silva", "Neistovıy Qasqonets", "Talelər qovuşanda", "Volqalı canan", "Aldın payını, çağır dayını", "O olmasın, bu olsun" kimi tamaşalarda yadda qalan obrazlar yaratmışdır.

Eyni zamanda Azərbaycan Dövlət Akademik Opera və Balet Teatrında "Natəvan" operasında Hacı Abbas Ağa, "Şah İsmayıl" operasında Vəzir, "Koroğlu" operasında Koroğlunun və Həmzə bəyin partiyalarını ifa edir.

F. Əliyev Bakı Musiqi Akademiyasının Ş. Məmmədova adına Opera studiyasının solistidir. Orada "Boqema" operasında Rudolf, "Traviata" operasında Alferd, "Kənd namusu" operasında Turiddu, "Faust" operasında Faust, "Yevgeni Onegin" operasında Lenski rpartiyalarını ifa etmişdir.

2004-cü ildə Bakı Musiqi Akademiyasının magistr dərəcəsini almışdır. 2008-ci ildən vokal müəllimi vəzifəsində çalışır.

Bir neçə dövlət tədbir və konsertlərinin iştirakçısıdır.

Evlidir, iki övladı var.

6 may 2015-ci ildə, 6 may 2016-cı ildə, 1 may 2017-ci ildə, 9 may 2018-ci ildə və 9 may 2024-cü ildə Prezident Mükafatına layiq görülmüşdür.

İstinadlar

1. Lider TV. "Dahi Bülbülün yubileyi "Koroğlu" operası ilə qeyd olundu" (az.). Youtube.com. 19.12.2017. 2023-07-20 tarixində . İstifadə tarixi: 2017-12-19.
2. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2018-12-27 tarixində . İstifadə tarixi: 2015-09-01.
3. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı". 2017-07-23 tarixində . İstifadə tarixi: 2016-05-06.
4. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. 2017-05-04 tarixində . İstifadə tarixi: 2017-05-02.
5. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. 2018-06-12 tarixində . İstifadə tarixi: 2018-05-10.
6. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2024. İstifadə tarixi: 2024-05-09.

Mənbə

• Fərid Əliyev ^{[ölü keçid]}