Fərid Məmmədov (sahibkar)

Vikipediyada bu ad-soyadlı digər şəxslər haqqında da məqalələr var; bax: Fərid Məmmədov.

Fərid Adil oğlu Məmmədov (25 iyun 1974, Bakı) — sahibkar, Tərəqqi medalı mükafatçısı, "Caspian Event Organisers" şirkətinin baş direktoru, "Iteca Caspian LLC" şirkətinin icraçı direktoru, "Azərbaycan Sərgi Təşkilatçıları Assosiasiyası" İctimai Birliyinin İdarə Heyətinin sədri, Azərbaycan Avtomobil Federasiyasının vitse prezidenti.

Fərid Məmmədov
Doğum tarixi	25 iyun 1974(1974-06-25) (49 yaş)
Doğum yeri	Bakı, Azərbaycan SSR, SSRİ
Həyat yoldaşı	Suzanna Burezgi Monsef qızı
Uşaqları	Ayşa Məmmədli Səlimə Məmmədli
Atası	Adil Sərxan oğlu Məmmədov
Anası	Almaz İsmayıl qızı Məmmədova
Təhsili	Azərbaycan Dövlət İqtisad Universiteti
Mükafatları

Həyatı

Fərid Məmmədov 25 iyun 1974-cü ildə Bakı şəhərində anadan olmuşdur. 1981-ci ildə orta məktəbə getmiş 1991-ci ildə bitirmişdir. 1992-ci ildə Azərbaycan Dövlət İqtisad Universitetinin İqtisadiyyatın Dövlət Tərəfindən Tənzimlənməsi ixtisasına daxil olmuşdur. 1992-ci ilin aprel ayından Material Ehtiyatları Nazirliyində çalışmağa başlamışdır. 1998-ci ildə Azərbaycan Dövlət İqtisad Universitetini bitirmişdir. Fərid Məmmədov 1992–1994-cü illərdə hərbi qulluqdan qayıtmış və təhsilini davam etdirmişdir, eyni zamanda Material Ehtiyatları Nazirliyində 2000-ci ilədək çalışmışdır.

Fərid Məmmədov peşəkar avtomobil idmançısıdır. O yerli və beynəlxalq yarışlarda müxtəlif mükafatlar qazanmışdır.

Ailəsi

Ailəlidir, iki övladı var.

Biznes fəaliyyəti

1992–2000-ci illərdə Material Ehtiyatları Nazirliyində iqtisadçı/mühasib, 1999–2000-ci illərdə isə "ITE Group Plc" şirkətində məsləhətçi vəzifəsində işləyib.

2000-ci ildən etibarən Iteca Caspian LLC icraçı direktor vəzifəsini icra edir. 2007-ci ildə (UFİ) tərəfindən tanınan və təşkil olunan Sərgilərin Təşkili və İdarə edilməsi sahəsində təhsil alıb. 2014-cü ildən isə Caspian Event Organisers şirkətinin baş direktorudur. 2023-cü ilin noyabr ayından etibarən Azərbaycan Avtomobil Federasiyasının vitse prezidenti vəzifəsini və "Azərbaycan Sərgi Təşkilatçıları Assosiasiyası" İctimai Birliyinin İdarə Heyətinin sədri vəzifəsini icra edir.

2024-cü il aprelin 24-də Bakıda "Azərbaycan-Başqırdıstan" biznes forumu çərçivəsində "Azərbaycan Sərgi Təşkilatçıları Assosiasiyası" və Başqırd Sərgi Şirkəti arasında əməkdaşlıq sazişləri imzalayıb.

Üzv olduğu təşkilatlar

№	Üzvlük illəri	Təşkilatın adı
1	2004 -	Caspian European Club
2	2005 -	Beynəlxalq Sərgilər Assosiasiyası (UFI)
3	2005 -	Beynəlxalq Xəzər Neft və Qaz Sərgi və Konfransının təşkilat komitəsi
4	2010 -	"Baku Nobel Oil Club" biznes klubu
5	2014 -	Azərbaycan Avtomobil Federasiyası (AAF)

Mükafatları

• 2012. Emanuel Nobel memorial medalı (Bakı Nobel İrsi Fondu)
• 2013. Azərbaycan Kartinq Çempionatının mükafatçısı.
• 2018. Tərəqqi medalı.
• 2019. "Azərbaycan Narı" döş nişanı (Azərbaycan Nar İstehsalçıları və İxracatçıları Assosiasiyasının fəaliyyətinə göstərdiyi qayğı və diqqətə görə)
• 2019. V1 Challenge Gəncə yarışının qalibi.
• 2022. .

İstinadlar

1. "Фарид Мамедов награжден медалью "Терегги"". report.az. İstifadə tarixi: 29.08.2023.
2. "Fərid Məmmədov: Biznesdə səmimi olmaq vacibdir – MÜSAHİBƏ". Oxu.Az (az.). 10 avqust 2015. 2022-08-01 tarixində . İstifadə tarixi: 1 avqust 2022.
3. "Rəsmi saytı". 2022-08-20 tarixində . İstifadə tarixi: 2019-09-05.
4. "Rəsmi saytı". 2022-09-05 tarixində . İstifadə tarixi: 2019-09-05.
5. "Fərid Məmmədov yeni qurum təsis edib". innews.media. 2024-04-29 tarixində . İstifadə tarixi: 29.08.2023.
6. "ASTA-Struktur". asta.az. 2023-09-24 tarixində . İstifadə tarixi: 29.08.2023.
7. "Azərbaycan nümayəndə heyətinin Başqırdıstana işgüzar səfəri planlaşdırılır". yenimedia.org. 2024-04-29 tarixində . İstifadə tarixi: 29.08.2023.
8. "F. A. Məmmədovun "Tərəqqi" medalı ilə təltif edilməsi haqqında Azərbaycan Respublikası Prezidentinin Sərəncamı". 2019-09-05 tarixində . İstifadə tarixi: 2019-09-05.
9. "V1 Challenge Gəncə". faa.az. İstifadə tarixi: 29.08.2023.

Xarici keçidlər

• Фарид Мамедов: "Успех строительной выставки BakuBuild 2015 объясняется динамичным ростом ненефтяного сектора Азербайджана"  (rus.)
• Фарид Мамедов: "Выставочный бизнес это такая работа, которая должна нравиться"  (rus.)
• Наши клиенты идут за нами на новые рынки — директор компании Iteca Caspian Фарид Мамедов 2019-09-01 at the Wayback Machine (rus.)
• Our clients follow us towards the new markets — Director of Iteca Caspian Farid Mammadov 2019-09-04 at the Wayback Machine (ing.)
• Фарид Мамедов: В бизнесе важно быть искренним – ИНТЕРВЬЮ
• Директор Iteca Caspian Фарид Мамедов: "У нас достаточно позитивные ожидания на 2017 год"
• CBC — Interview with Farid Mammadov — Youtube
• "Iteca Caspian" şirkətinin icraçı direktoru Fərid Məmmədovun "Lider" kanalında müsahibəsi — Youtube
• Fərid Məmmədov ^{[ölü keçid]}
• Надеемся, что скоро появится возможность провести выставку в городе Шуша — Генеральный директор Caspian Event Organisers