Elvin Əhmədov

Elvin Əhmədov (3 fevral 1990, Salyan, Salyan rayonu) — Azərbaycan kino rejissoru və aktyoru.

Elvin Əhmədov
Elvin Əhmədov
Doğum tarixi	3 fevral 1990(1990-02-03) (34 yaş)
Doğum yeri	Salyan, Salyan rayonu, Azərbaycan SSR, SSRİ
Vətəndaşlığı	Azərbaycan
Fəaliyyəti	aktyor, kinorejissor
Təhsili	Azərbaycan Dövlət Mədəniyyət və İncəsənət Universiteti
Üzvlüyü	Azərbaycan Kinematoqrafçılar İttifaqı

Həyatı

Elvin Əhmədov 1990-cı il fevralın 3-də Salyanda anadan olub. Bakı şəhəri Nizami Rayonundaki 10 saylı məktəbdə təhsil alıb. 2007-ci ildə Mədəniyyət və İncəsənət Universitetinin kütləvi tamaşalar və tədbirlər rejissoru fakültəsinə qəbul olub. 2008–2009-cu illərdə Dövlət Sərhəd qoşunlarında xidmət edib. onlarla film və seriallarda fərqli obrazlar yaradıb. Baş rolda iştirak etdiyi "Dolu" bədii filmi 2013-cü ildə "Zirvə" mükafatına layiq görülüb.

24 iyul 2023-cü ildə Azərbaycan Kinematoqrafçılar İttifaqının üzvlüyünə qəbul edilmişdir.

Yaradıcılığı

"Tufanlı səma", "Sənin deyil", "İkinci bahar", "Qanun naminə", "Son hədd", "Sənə inanıram", "Sübhün səfiri", "Tərsinə çevrilən dünya", "Durnalar Qayıdanda", "Biznesmen", "Həyatımın rolu" kimi ekran işlərində aktyor və rejissor (və rej.assist.) kimi çalışıb. Elvin Əhmədovun quruluşçu rejissor kimi ilk lentə aldığı film "Sara" filmidir."Sara" filmi detektiv, triller janrinda çəkilib. Filmdə Elvin Əhmədov Xalq artisti Rasim Balayevlə tərəf müqabili olub.

Filmoqrafiya

1. Tərsinə çevrilən dünya (film, 2011)
2. Dolu (film, 2012)
3. Sübhün səfiri (film, 2012)
4. Son hədd (film, 2013)
5. İkinci bahar (serial, 2014) — Zeynal
6. 28 iyun (film, 2016)
7. Sənin deyil (serial, 2016) — Cavid
8. Sara (film,2017)
9. Həyatımın rolu (film,2016)
10. Ata ocağı (film, 2017) — Emin.
11. Savaşçı (türk teleserial) — Məmmədəmin

İstinadlar

1. "AZƏRBAYCAN KİNEMATOQRAFÇILAR İTTİFAQINA YENİ ÜZVLƏR QƏBUL OLUNUB". aki.az (az.). aki.az. 24 iyul 2023. 2023-07-25 tarixində . İstifadə tarixi: 25 iyul 2023.