Eltun İsgəndərov

Eltun Xaləddin oğlu İsgəndərov (21 oktyabr 1990, Əhmədbəyli, Samux rayonu – 18 iyun 2009, Cəlilabad rayonu) — əsgər, Azərbaycanın Milli Qəhrəmanı (2009).

Eltun İsgəndərov
Eltun Xaləddin oğlu İsgəndərov
Şəxsi məlumatlar
Doğum tarixi	21 oktyabr 1990
Doğum yeri	Əhmədbəyli, Samux rayonu, Azərbaycan SSR, SSRİ
Vəfat tarixi	18 iyun 2009 (18 yaşında)
Vəfat yeri	Cəlilabad, Azərbaycan
Vəfat səbəbi	Döyüşdə ölüm
Dəfn yeri	Əhmədbəyli, Samux rayonu
Vətəndaşlığı	Azərbaycan
Milliyyəti	Azərbaycan
Hərbi fəaliyyəti
Mənsubiyyəti	Azərbaycan Ordusu
Qoşun növü	Sərhəd Qoşunları
Hərbi hissə	Cəlilabad Sərhəd Dəstəsi
Xidmət illəri	2008—2009
Rütbəsi	Əsgər
Təltifləri

Həyatı

Eltun Xaləddin oğlu İsgəndərov 1990-cı il oktyabrın 21-də Samux rayonu Əhmədbəyli kəndində anadan olub. 1996-cı ildə Samux rayon Əhmədbəyli kənd tam orta məktəbinin 1-ci sinfinə qəbul olunmuş, 2007-ci ildə həmin məktəbin 11-ci sinfini bitirmişdir.

Hərbi xidməti

2008-ci ilin oktyabrında Samux rayon Hərbi Komissarlığı tərəfindən həqiqi hərbi xidmətə çağırılan Eltun İsgəndərov Sərhəd Qoşunlarında xidmət edib, özünü nümunəvi əsgər kimi göstərib.

Eltun İsgəndərov 2009-cu il iyunun 18-də İran İslam Respublikası istiqamətində, Cəlilabad rayonunun Əsədli kəndi yaxınlığında yerləşən sərhəd zastavasının xidməti ərazisində sərhəd pozucuları ilə döyüş zamanı Sərhəd Xidməti hərbçilərinin mövqelərinə atılmış qumbaranın üzərinə atılıb. Hadisə nəticəsində Eltun İsgəndərov şəhid olaraq ətrafdakı əsgər və zabitlərin həyatını xilas edib.

Samux rayonu Əhmədbəyli kənd qəbristanlığında dəfn edilib.

Təltifləri

Azərbaycan Respublikası Prezidentinin 25 iyun 2009-cu il tarixli 349 saylı fərmanı ilə Eltun Xaləddin oğlu İsgəndərov "Azərbaycanın Milli Qəhrəmanı" adına layiq görülmüşdür.

Xatirəsi

2019-cu ilin iyununda Samux rayon Əhmədbəyli kənd tam orta məktəbinə Eltun İsgəndərovun adı verilib və məktəbin qarşısında büstünün açılışı olub.

İstinadlar

1. "Samuxda Azərbaycanın Milli Qəhrəmanı Eltun İsgəndərovun xatirə lövhəsi açılıb". azertag.az (az.). Azərbaycan Dövlət İnformasiya Agentliyi. 20 iyun 2019. 2019-06-24 tarixində . İstifadə tarixi: 13 mart 2022.
2. "Azərbaycan Respulikası Milli Qəhrəmanı Elton Xaləddin oğlu İsgəndərovun doğum günün qeyd edildi". samux-ih.gov.az (az.). . 21 oktyabr 2019. 13 mart 2022 tarixində . İstifadə tarixi: 13 mart 2022.
3. "E.X.İsgəndərova "Azərbaycanın Milli Qəhrəmanı" adi verilməsi haqqında AZƏRBAYCAN RESPUBLİKASI PREZİDENTİNİN SƏRƏNCAMI". 2018-11-26 tarixində . İstifadə tarixi: 2018-06-19.
4. ARB Kəpəz. "Milli Qəhrəmanın adı məktəbə verilib" (az.). Youtube.com. 20.06.2019. 2022-08-01 tarixində . İstifadə tarixi: 2019-06-20.

Ədəbiyyat

• Fəxrəddin Quliyev, "Milli qəhrəmanlar", , №39(304), 20 oktyabr 2014-cü il. səh.1
• Azərbaycan Respublikası Xatirə Kitabı, X cild. səh.485.
• Vüqar Əsgərov. "Azərbaycanın Milli Qəhrəmanları" (Yenidən işlənmiş II nəşr). Bakı: "Dərələyəz-M", 2010, səh. 139.

Xarici keçidlər

• Qəhrəmanlar unudulmur!^{[ölü keçid]}
• Milli Qəhrəman Eltun İsgəndərov yad edilib