Eldar Cəfərov

Eldar Cəfərov — 2008 Avroviziya Rəqs Müsabiqəsində Anna Sajina ilə Azərbaycan təmsilçisi, rəqqas.

Eldar Cəfərov
Doğum tarixi	1987
Doğum yeri	Sverdlovsk, Sverdlovsk vilayəti, RSFSR, SSRİ
Fəaliyyəti	rəqqas

Həyatı

Eldar Cəfərov 1987-ci ildə Yekaterinburq şəhərində anadan olub. Eldar rəqs etməyə yeddi yaşında başlayıb. Bir müddət sonra Eldar karyerasının başlanğıcı sayılan "Gəl rəqs edək" rəqs klubuna yazılır. Qeyd edək ki, həmin vaxt onun anası Natalya xanım musiqi məktəbində dərs deyirdi. O, məktəb və rəqs dərslərindən başqa piano çalmağı və tennis oynamağı da öyrənirdi. İqtisadiyyat Universitetinin 3 kursunu bitirdikdən sonra o rəqqaslığını daha da inkşaf etdirmək üçün Ceri Abrat və Katerina Arzentonun məktəbində rəqs dərsləri almaq üçün İtaliyaya gedib. Yarım il ərzində o, gənclər üçün keçirilən ən mühüm dünya rəqs müsabiqələrinin birbaşa finalında iştirak edib və onların bir neçəsində qələbə qazanıb. Atası Namid Cəfərov oğlunun rəqqas olmağına qarşı çıxsa da, Eldarın arzusu həyata keçib.

2004-cü ildə həm bal, həm də Azərbaycanıda ölkə çempionluğunu adını qazanıb. Bundan sonra o, Avropa və dünya çempionatlarında iştirak etmək imkanı əldə edib.

2005-ci ilin yanvar ayında Eldar Anna Sajina ilə tanış olub və onlar birlikdə rəqs etməyə başlayıblar. Cütlük 2005-ci ildə ölkə çempinatında iştirak edib və çemponatın qalibi olublar. Hal-hazırda onlar bal rəqsləri, Latın Amerikası və 10 rəqs bölgüsü üzrə üçqat ölkə çempionudurlar.

İndi Eldar demək olar ki, bütün vaxtını rəqsə sərf edir. Məşq edir, yarışır, dərs deyir, rəqs şouları göstərir.

2008-ci il 6 sentyabrda keçirilmiş 2008 Avroviziya Rəqs Müsabiqəsində iştirak etmək imkanı qazanıb və onların milyonlarla tamaşaçı qarşısında öz bacarıqlarını nümayiş etdirmək üçün böyük şansları yaranıb.

Nailiyyətlər

• 2008-ci ildə Avropa proqramına əsasən həvəskarlar arasında Dünya Çempionu “WDC Həvəskarlar Liqası”.
• 2009-cu ildə 10 rəqs üzrə “WDC Həvəskarlar Liqası” həvəskarlar arasında dünya çempionu.
• 2009-cu ildə Klassik Şou Rəqs proqramında “WDC Həvəskarlar Liqası” həvəskarlar arasında dünya çempionu.
• 2012-ci ildə 10 rəqs üzrə WDC peşəkarları arasında dünya və Avropa çempionu.
• Classic Show Dance 2019-da WDC peşəkarları arasında Dünya Çempionu

Həmçinin bax

• Azərbaycan 2008 Avroviziya Rəqs Müsabiqəsində

İstinadlar

1. "Dünya Bal Rəqsi Çempionu - Eldar Cəfərov". www.azernews.az (ingilis). 2024-03-27 tarixində . İstifadə tarixi: 2024-03-27.
2. "Eldar Cəfərov - DBL Çempionluğu". Trend.az (ingilis). 2024-03-21 tarixində . İstifadə tarixi: 2024-03-27.
3. "WDC Dünya Peşəkar On Rəqs Çempionu - Eldar Cəfərov". www.wdcdance.com (ingilis). 2023-09-30 tarixində . İstifadə tarixi: 2024-03-27.
4. "Azərbaycan rəqqasları Avstriyada keçirilən dünya çempionatının qalibi olublar". Sputniknews.ru (rus). 2024-03-27 tarixində . İstifadə tarixi: 2024-03-27.
5. "Azərbaycan Avropanı öz mədəniyyəti ilə valeh edərək, qitənin 5 ən yaxşı rəqs ölkəsindən biri sayılmışdır". Azertag.az (ingilis).

Əvvəlki: iştirak etməyib

Azərbaycan Avroviziya Rəqs Müsabiqəsində (Anna ilə) 2008

Sonrakı: -