Bəxtiyar ibrahim oğlu Məmmədov 1971 Naxçıvan şəhəri Naxçıvan Muxtar Respublikası Ali Məclisi sədrinin birinci müavini 26

Bəxtiyar İbrahim oğlu Məmmədov (1971, Naxçıvan şəhəri) — Naxçıvan Muxtar Respublikası Ali Məclisi sədrinin birinci müavini (26 sentyabr 2024-cü ildən) və VII çağırış Naxçıvan Muxtar Respublikası Ali Məclisinin deputatı.

Bəxtiyar Məmmədov

Naxçıvan Muxtar Respublikası Ali Məclisinin sədri səlahiyyətlərini icra edən
Vəzifədədir
26 sentyabr 2024-cü ildən
Əvvəlki	Anar İbrahimov (müvəqqəti)
Naxçıvan Muxtar Respublikası Ali Məclisi sədrinin birinci müavini
Vəzifədədir
26 sentyabr 2024-cü ildən
Sədr	Özü (2024-cü ildən; müvəqqəti)
Əvvəlki	Azər Zeynalov
VII çağırış deputatı
Vəzifədədir
26 sentyabr 2024-cü ildən
Seçki dairəsi	2024 – 41 saylı Ordubad şəhər
Naxçıvan Muxtar Respublikası Baş nazirinin müavini
20 iyun 2023-cü il – 24 sentyabr 2024
Şəxsi məlumatlar
Doğum tarixi	1971
Doğum yeri	Naxçıvan şəhəri, Naxçıvan MSSR, Azərbaycan SSR, SSRİ
Partiya	Yeni Azərbaycan Partiyası
Təhsili	Azərbaycan Neft və Kimya İnstitutu
Fəaliyyəti	siyasətçi

Təltifləri	2009

Həyatı

Bəxtiyar İbrahim oğlu Məmmədov 1971-ci ildə Naxçıvan şəhərində anadan olub. Orta təhsilini 1978-1988-ci illərdə Naxçıvan şəhər 3 nömrəli rus orta məktəbində almış və həmin məktəbi fərqlənmə ilə bitirmişdir. 1988-1993-cü illərdə Azərbaycan Neft və Kimya İnstitutunda texnoloji proseslərin və istehsalatların avtomatlaşdırılması ixtisası üzrə ali təhsil almışdır. Avtomatlaşdırma üzrə mühəndisdir. Rus və ingilis dillərini bilir. Ehtiyatda olan zabitdir. Ailəlidir, 2 övladı var.

Əmək fəaliyyətinə 1993-cü ildə “Azərneftyağ” Neftayırma Zavodunda cihazçı kimi başlamış, 1995-2003-cü illərdə “Azərneftyağ” İstehsalat Birliyində mühəndis, rəis müavini, 2003-2015-ci illərdə “Azərneftyağ” Neft Emalı Zavodunda şöbə rəisinin müavini, şöbə rəisi-baş metroloq, 2015-2016-cı illərdə Heydər Əliyev adına Bakı Neft Emalı Zavodunda baş metroloqun müavini, 2016-2019-cu illərdə Karbamid zavodunda direktor müavini-baş mühəndis, 2019-2023-cü illərdə Heydər Əliyev adına Neft Emalı Zavodunda direktor vəzifələrində çalışmışdır.

İctimai-siyasi fəaliyyəti

2023-2024-cü illərdə Naxçıvan Muxtar Respublikası Baş nazirinin müavini vəzifəsində çalışmışdır.

Bəxtiyar Məmmədov 1 sentyabr 2024-cü ildə VII çağırış Naxçıvan Muxtar Respublikası Ali Məclisinə keçirilmiş növbədənkənar seçkilərdə 41 saylı Ordubad şəhər seçki dairəsindən namizədliyini irəli sürmüş və seçicilərin rəğbətini qazanaraq deputat seçilmişdir. 26 sentyabr 2024-cü ildə keçirilmiş VII çağırış Naxçıvan Muxtar Respublikası Ali Məclisinin ilk iclasının gündəliyinə uyğun olaraq Ali Məclis sədrinin birinci müavini vəzifəsinə Bəxtiyar Məmmədovun namizədliyi irəli sürülmüş və təklif səsə qoyularaq qəbul edilmişdir.

2000-ci ildən Yeni Azərbaycan Partiyasının üzvüdür.

Mükafatları

18 sentyabr 2010-cu ildə Azərbaycan Respublikası Prezidentinin Sərəncamı ilə “Tərəqqi” medalı ilə təltif olunmuşdur.

İstinadlar

"Bəxtiyar Məmmədov Naxçıvan Muxtar Respublikası Baş nazirinin müavini vəzifəsindən azad edilib". alimajlis.gov.az (az.). İstifadə tarixi: 2024-11-14.
"Neft Emalı Zavoduna yeni direktor təyin olunub". Trend.Az (az.). 2019-12-11. 2019-12-12 tarixində arxivləşdirilib. İstifadə tarixi: 2024-11-14.
"Naxçıvanın Baş nazirinə yeni müavin təyin olunub". Report İnformasiya Agentliyi (az.). 2023-06-20. 2024-04-20 tarixində arxivləşdirilib. İstifadə tarixi: 2024-11-14.
"Naxçıvan Ali Məhkəməsi Ali Məclisə seçkilərin nəticələrini təsdiqləyib - YENİLƏNİB". Apa.az (az.). 2024-09-20 tarixində arxivləşdirilib. İstifadə tarixi: 2024-11-14.
"Yeddinci çağırış Naxçıvan Muxtar Respublikası Ali Məclisinin ilk iclası keçirilib". alimajlis.gov.az (az.). 2024-10-01 tarixində arxivləşdirilib. İstifadə tarixi: 2024-11-14.
"Azərbaycan Respublikasının neft sənayesi işçilərinin təltif edilməsi haqqında". frameworks.e-qanun.az. İstifadə tarixi: 2024-11-14.

Xarici keçidlər

Naxçıvan Muxtar Respublikası Ali Məclisinin rəsmi veb-saytında Bəxtiyar Məmmədov

[:0-1] "Bəxtiyar Məmmədov Naxçıvan Muxtar Respublikası Baş nazirinin müavini vəzifəsindən azad edilib". alimajlis.gov.az (az.). İstifadə tarixi: 2024-11-14.

[2] "Neft Emalı Zavoduna yeni direktor təyin olunub". Trend.Az (az.). 2019-12-11. 2019-12-12 tarixində arxivləşdirilib. İstifadə tarixi: 2024-11-14.

[3] "Naxçıvanın Baş nazirinə yeni müavin təyin olunub". Report İnformasiya Agentliyi (az.). 2023-06-20. 2024-04-20 tarixində arxivləşdirilib. İstifadə tarixi: 2024-11-14.

[4] "Naxçıvan Ali Məhkəməsi Ali Məclisə seçkilərin nəticələrini təsdiqləyib - YENİLƏNİB". Apa.az (az.). 2024-09-20 tarixində arxivləşdirilib. İstifadə tarixi: 2024-11-14.

[5] "Yeddinci çağırış Naxçıvan Muxtar Respublikası Ali Məclisinin ilk iclası keçirilib". alimajlis.gov.az (az.). 2024-10-01 tarixində arxivləşdirilib. İstifadə tarixi: 2024-11-14.

[6] "Azərbaycan Respublikasının neft sənayesi işçilərinin təltif edilməsi haqqında". frameworks.e-qanun.az. İstifadə tarixi: 2024-11-14.