Azərbaycan-Portuqaliya futbol matçlarının siyahısı

Azərbaycan milli komandası indiyədək 4 dəfə Portuqaliya ilə görüşüb ki, bu matçların hamısı tarixi əhəmiyyət kəsb edib. 1999-cu il martın 26-da təsadüf edən ilk matç "Gimaraynş faciəsi" kimi yadda qalıb. Avro-2000-nin seçmə mərhələsində Gimaraynş şəhərində biabır olan (0:7) Azərbaycan futbolçuları yarım il keçməmiş toparlanaraq Bakıda Luiş Fiqu və komandasını qələbəyə həsrət qoymuşdular – 1:1. Həmin oyundan 1 gün əvvəl 1999-cu il sentyabrın 3-də isə Tofiq Bəhramov adına Respublika Stadionunda tarixi hadisə yaşandı. Matçın gedişində işıqların sönməsi futbolçuları soyunub-geyinmə otağına yolladı. Ertəsi gün isə Zaur Tağızadə rəqibi "işığını söndürdü". Hesabı açan, oyunun sonlarında meydandan qovulan 20 yaşlı istedad bu qolla "Qızıl oğlan" adını qazandı. Portuqaliyalılar isə Luiş Fiqunun qolu ilə 1 xala son dəqiqələrdə sevindilər. Avro-2000-də olduğu kimi, Avro-2008-ində seçmə mərhələsində iki yığma eyni qrupda yer aldı. 2006-cı il oktyabrın 7-dəki matçda millimiz yenə darmadağın oldu – 0:3. Kriştiano Ronaldo 2 qol vursa da, indiyədək hesaba alınmayan 3-cü qolunu xatırlayır: "Karyeramın ən gözəl qolunu Azərbaycana vurdum. Lakin o topu hesaba almadılar". İlk 2 matçda olduğu kimi, 2007-ci ilin oktyabrına təsadüf edən portuqaliyalılarla sonuncu matç da qırmızı vərəqə ilə yadda qaldı. Bu dəfə Ronaldoya dirsək atıb, onu yerə sərən Aslan Kərimov komandamızı azlıqda qoydu və qonaqlar 2 cavabsız qolla Bakını qalib kimi tərk etdilər.

Portuqaliya komandaları ilə Azərbaycanın görüşləri təkcə millinin matçları ilə bitmir. Avrokuboklarda bu ölkənin klubları ilə qarşılaşacaq səviyyədə irəliləyə bilməyən Azərbaycan klublarından fərqli, yığmalar dəfələrlə pireneylilərlə görüşüb. Avro-2000-də U-21 rəqibin gücünə şahid olub – 0:5 və 0:2. U-19 isə 2005-ci ilin payızında aldığı zərbənin (1:5) əvəzini 2010-cu ildə 2:2 etməklə çıxa bildi.

Bundan başqa, Azərbaycanın çimərlik yığması və futzal milliləri də hərəyə 2 dəfə Portuqaliya ilə üz-üzə gəlib. Qumda uduzduqları (4:6 və 2:5) rəqiblə zallardakı matçlarımızda bərabərlik qeydə alınıb. Avro-2010-nun həm seçmə mərhələsində, həm də final mərhələsindəki görüşlər 3:3 hesabı ilə başa çatıb. Sonuncu oyun yarımfinala təsadüf etdiyindən qarşılaşmanın taleyini penaltilər həll edib və Azərbaycan finala çıxa bilməyib.

Ronaldonun həmyerliləri üzərində Azərbaycanın yeganə qələbəsini isə 19 yaşadək qızlardan ibarət yığma əldə edib. Onlar 2008-ci ildə rəqibini 2 cavabsız qolla məğlub ediblər.

Vəli Qasımovun kəşf etdiyi ölkə

Azərbaycan və Portuqaliya futbolları arasında ilk "elçi" Vəli Qasımov olub. 1997/98 mövsümündə "Setubal" klubuna keçən hücumçu iki mövsüm çıxış etdiyi Portuqaliyanın güclülər dəstəsində 41 oyuna 15 qol vurub. Sonradan keçdiyi aşağı dəstə təmsilçisi "İmortal"da 46 qarşılaşmaya 16 qol vurub. Vəlidən əvvəl olmadığı kimi, sonra da "ikinci eşelon" ölkələrinin çempionatlarında oynayan ikinci azərbaycanlı yoxdur. Əvəzində portuqaliyalılar Azərbaycan klublarına gəlməyə başlayıb. Təkcə son mövsüm bu ölkənin iki təmsilçisi Azərbaycanda top qovub. Bunlar "Standard"da çıxış edən Huqo Maçado və "Qəbələ"nin üzvü olan Paulino Tavaresdir.

Kişilər

Əsas milli komanda

1. 26.03.1999 AÇSO Portuqaliya – Azərbaycan 7:0
2. 04.09.1999 Bakı AÇSO Azərbaycan – Portuqaliya 1:1
3. 07.10.2006 Portu AÇSO Portuqaliya – Azərbaycan 3:0
4. 13.10.2007 Bakı AÇSO Azərbaycan – Portuqaliya 0:2
5. 11.09.2012 DÇSO Portuqaliya – Azərbaycan 3:0
6. 26.03.2013 Bakı DÇSO Azərbaycan – Portuqaliya 0:2
7. 24.03.2021 Portuqaliya DÇSO Portuqaliya – Azərbaycan 1:0
8. 07.09.2021 Bakı DÇSO Azərbaycan – Portuqaliya 0:3

U-21

1. 25.03.1999 AÇSO Portuqaliya – Azərbaycan 5:0
2. 02.09.1999 Bakı AÇSO Azərbaycan – Portuqaliya 0:2
3. 15.10.2013 Bakı AÇSO Azərbaycan – Portuqaliya 0:2
4. 09.09.2014 AÇSO Portuqaliya – Azərbaycan 3:1

U-19

1. 27.09.2005 , Lüksemburq AÇSO Portuqaliya – Azərbaycan 5:1
2. 11.10.2010 , Portuqaliya AÇSO Portuqaliya – Azərbaycan 2:2

U-17

1. 22.10.2010 AÇSO Portuqaliya – Azərbaycan 2:0
2. 19.03.2015 Bakı, Azərbaycan AÇSO Azərbaycan – Portuqaliya 0:3
3. 05.05.2016 Bakı, Azərbaycan AÇQM Azərbaycan – Portuqaliya 0:5

U-16

1. 25.03.2015 BT Portuqaliya – Azərbaycan 5:0

Klublar

1. 29.03.2015 BT Portu (U-16) – Azərbaycan (U-16) 1:1
2. 20.10.2018 Lissabon, Portuqaliya, Sportinq – Qarabağ 2:0
3. 29.11.2018 Bakı, Azərbaycan, Qarabağ – Sportinq 1:6
4. 15.02.2024 , Portuqaliya, Braqa – Qarabağ 2:4
5. 22.02.2024 Bakı, Azərbaycan, Qarabağ – Braqa -:-

Qadınlar

Əsas milli komanda

U-21

U-19

1. 02.10.2019 , Portuqaliya AÇSO Portuqaliya - Azərbaycan 6:0

U-17

1. 14.10.2014 , Macarıstan AÇSO Portuqaliya - Azərbaycan 2:0

Klublar

Futzal

A milli

1. 28.01.2010 Debretsen, Macarıstan AÇSO Portuqaliya – Azərbaycan 3:3
2. 01.02.2012 Zaqreb, Xorvatiya AÇSO Portuqaliya – Azərbaycan 4:1
3. 17.09.2013 , Portuqaliya YO Portuqaliya – Azərbaycan 1:1
4. 18.09.2013 , Portuqaliya YO Portuqaliya – Azərbaycan 5:0
5. 25.09.2016 Kali, Kolumbiya DÇ Portuqaliya – Azərbaycan 3:2
6. 06.02.2018 Lyublyana, Sloveniya AÇ Portuqaliya – Azərbaycan 8:1

Klublar

1. 24.11.2013 , Portuqaliya UK(e.r.) Sportinq – Araz-Naxçıvan 3:6
2. 10.10.2019 Halle, Belçika ÇL Benfika - Araz-Naxçıvan -:-

Qadınlar

1. 02.11.2017 Portuqaliya YYOO Portuqaliya (U-17) – Azərbaycan (U-17) 10:0

Çimərlik futbolu

A milli

1. 07.06.2009 İspaniya DÇSO Portuqaliya – Azərbaycan 6:4
2. 16.07.2010 , İtaliya AÇSO Portuqaliya – Azərbaycan 5:2
3. 26.06.2015 Bakı, Azərbaycan AO Azərbaycan – Portuqaliya 4:6
4. 11.08.2017 , Macarıstan AL Azərbaycan – Portuqaliya 3:9
5. 24.06.2018 Bakı, Azərbaycan AL Azərbaycan – Portuqaliya 0:6
6. 07.09.2018 , İtaliya AÇ Azərbaycan – Portuqaliya 0:9
7. 17.06.2021 , Portuqaliya DÇSO Azərbaycan – Portuqaliya 2:7
8. 26.06.2021 , Portuqaliya DÇSO Portuqaliya – Azərbaycan 6:1
9. 28.06.2023 Krakov, Polşa AO, Portuqaliya – Azərbaycan 5:2

Klublar

1. 06.06.2015 Kataniya, İtaliya AÇL, Braqa – Əmrahbank 4-3

Mənbə

• "32"lər: Ronaldo və "kölgələri"

İstinadlar

1. "Portuqaliya – Azərbaycan: Nə yaxşı ki, qızlar var..." 2010-10-25 tarixində . İstifadə tarixi: 2010-10-23.

Xarici keçidlər

• Estatísticas na FIFA Arxivləşdirilib 2013-04-25 at Archive.today  (ing.)