Ayçi Prefektura Kanalizasiya Elmi Muzeyi

Ayçi Prefektura Kanalizasiya Elmi Muzeyi (愛知県下水道科学館) – Yaponiyanın Ayçi prefekturasının şəhərində yerləşən kanalizasiya muzeyi.

Ayçi Prefektura Kanalizasiya Elmi Muzeyi
Əsası qoyulub	15 aprel 2000
Mövzu	kanalizasiya
Ölkə	Yaponiya
Yerləşir	Heyva-ço Sukatani^[d]
^HGYO
Vikianbarda əlaqəli mediafayllar

Tarixi

Muzey 15 aprel 2000-ci ildə insanları kanalizasiya sistemləri barədə məlumatlandırmaq məqsədilə açılmışdır. 2017-ci ildəki sponsorluq razılaşmasına əsasən muzeyin rəsmi adı Metawater Ayçi Kanalizasiya Elmi Muzeyidir.

Xüsusiyyətlər

Muzeyin mövzusu "bax, toxun, təsdiqlə"dir. Ziyarətçilər muzey eksponatları ilə interaksiyaya girərək kanalizasiya sistemləri haqqında məlumatlanırlar.

Muzey ikimərtəbəlidir. Birinci mərtəbədə kanalizasiya sisteminin iş prinsipini göstərən bölmələr yerləşir. Birinci bölmədə suyun Yer üzündəki dövranını əks etdirən xüsusi eksponat quraşdırılıb. İkinci bölmədə şəhərlərin güclü yağışdan qorunmasını, tualet suyunun borulardan axması göstərilir. Üçüncü bölmədə çirkli suyun hara getdiyi nümayiş etdirilir. Dördüncü bölmə çirkli suyu təmizləyən sistemlər haqqındadır. Beşinci bölmədə Ayçi prefekturasında quraşdırılmış dizaynları sərgilənir. Altıncı bölmə virtual studiyadır. Ziyarətçilər planşet skanerləri ilə tapşırıqları yerinə yetirir və kanalizasiya sistemi haqqında məlumatlanırlar.

Muzeyin ikinci mərtəbəsində xüsusi sərgi zalı, kitabxana və "Su teatrı" yerləşir. Muzey kitabxanasında 3100 kitab və 45 DVD saxlanılır. Muzeyin açıq hava hissəsində oyun meydançası və biotop yerləşir.

Muzeyin rəsmi talismanı Eppi adlı antropomorfik canlıdır. O, adlı mikroorqanizmdir. Bu canlı çirkli suda olan çirklə qidalandığı üçün muzeyin talismanı seçilib.

Qalereya

İstinadlar

1. "メタウォーター下水道科学館あいち（愛知県下水道科学館）". Ayçi Prefektura Hökuməti (yaponca). 1 aprel 2024. 2024-06-18 tarixində arxivləşdirilib. İstifadə tarixi: 18 iyun 2024.
2. "下水処理の仕組み". Muzeyin rəsmi saytı (yaponca). 18 iyun 2024 tarixində arxivləşdirilib. İstifadə tarixi: 18 iyun 2024.
3. "水のシアター 図書コーナー". Muzeyin rəsmi saytı (yaponca). 18 iyun 2024 tarixində arxivləşdirilib. İstifadə tarixi: 18 iyun 2024.
4. "メタウォーターランド (芝生広場)". Muzeyin rəsmi saytı (yaponca). 18 iyun 2024 tarixində arxivləşdirilib. İstifadə tarixi: 18 iyun 2024.
5. "エッピーは何者". Muzeyin rəsmi saytı (yaponca). 27 avqust 2022. 18 iyun 2024 tarixində arxivləşdirilib. İstifadə tarixi: 18 iyun 2024.

Xarici keçidlər

• eppy.jp — Rəsmi saytı