Astara (qəzet)

Bu adın digər istifadə formaları üçün bax: Astara.

Astara — Azərbaycan Respublikasının Astara rayonunda nəşr olunan aylıq region qəzeti.

Astara
Baş redaktor	Əlvan İbayev
Yaranma tarixi	1932
Dil	talış dili, Azərbaycan dili
Ünvan	Astara

Qəzet 1932-ci ildən indiyədək müxtəlif adlarda – Sovet dövründə "Ostoro kolxozçi", "Kolxoz tribunası", "Sovet Astarası" adları ilə çıxmış, hazırda "Astara" adı ilə nəşr olunur.

Tarixi

Astarada ilk qəzet 1932-ci ildə nəşr edilmişdir. Rayonun ictimai-siyasi həyatını əks etdirən qəzetin adı talış dilində "Ostoro kolxozçi" ("Astara kolxozçusu") olmuşdur. "Ostoro kolxozçi" qəzeti 1938-ci ilə qədər Azərbaycan və talış dillərində çap olunmuşdur. 1938-ci ildən isə təkcə Azərbaycan dilində nəşr olunur.

"Ostoro kolxozçi" qəzeti sonralar "Kolxoz tribunası", "Sovet Astarası" adlanmışdır. Qəzet 1990-cı ildən "Astara" adlanır. 1990–1993-cü illərdə "Astara" qəzetində talış dilində səhifə olmuşdur.

Astara rayonunun ictimai-siyasi, sosial-iqtisadi, mədəni-mənəvi həyatında fəal rolu olan "Astara" qəzetinin 80 illik yubileyi ilə əlaqədar 17 iyul 2012-ci ildə tədbir keçirilmişdir.

13 iyul 2018-ci ildə "Astara" qəzetinin 85 illik yubileyi qeyd edilib.

İstinadlar

1. 80 yaşlı "Astara" qəzetinin yubileyi və milli mətbuatın bayramı qeyd olundu. astara-ih.gov.az, 18.07.2012  (az.)
2. Şahverdiyev A. B. Azərbaycan mətbuatı tarixi. "Təhsil" nəşriyyatı, 2006
3. Şükürzadə, İldırım. "Bölgəmizin mətbuat tarxindən". Cenub.az - Regional Qazet (az.). 2024-01-03 tarixində . İstifadə tarixi: 2024-01-04.
4. yeniavaz.com. "'Astara' qəzetinin 85 illik yubileyi qeyd edilib". www.yeniavaz.com (az.). 2023-09-06 tarixində . İstifadə tarixi: 2023-09-06.

Xarici keçidlər

• astarainfo.az — "Astara" qəzetinin rəsmi saytı