Ardon (şəhər)

Ardon (Osetin. Ӕрыдон) Şimali Osetiya Respublikasında şəhərdir. Ardonski rayonunun inzibati mərkəzidir. Bələdiyyəni "Ardon şəhər qəsəbəsi" təşkil edir.

Ardon
Ölkə	Rusiya
Tarixi və coğrafiyası
Əsası qoyulub	1823
Sahəsi	20,7 km²
Mərkəzin hündürlüyü	420 m
Saat qurşağı
Əhalisi
Əhalisi	18.915 nəf. (2023)
Rəqəmsal identifikatorlar
Telefon kodu	+7 86732
Poçt indeksi	363330–363334
Xəritəni göstər/gizlə Ardon
Vikianbarda əlaqəli mediafayllar

Coğrafiya

Ardon şəhəri Osetiya yamacında, Ardon çayının sol sahilində və Tarqaydon qolunda, Vladiqafqazdan 35 km şimal-qərbdə yerləşir. Şəhərdə mülayim kontinental iqlim üstünlük təşkil edir. Ən isti ay iyul ayı hesab olunur, ortalama temperatur 20.4 ° C, ən soyuq ay yanvar ayıdır.Şəhərdə orta temperatur 9.4 ° C təşkil edir. Hər il şəhərdə təxminən 512 mm yağış yağır.

Tarixi

1824-cü ildə Elizavetinski və Konstantinovski hərbi yaşayış məntəqələri arasındakı yol Terekin sol sahilinə köçürüldü. Onu qorumaq üçün Ardon da daxil olmaqla bir sıra yeni məkanlar inşa edildi. Bir il sonra, hərbi məkanın yaxınlığında Alagir dərəsindən dağ sakinləri tərəfindən məskunlaşmağa başlayan bir kənd yarandı. 1838-ci ildə Osetiya kəndi yaxınlığında Ardon kəndi yarandı. Vladiqafqaz kazak alayının bir hissəsi buraya köçürüldü. Xidmətdən kənarlaşdırılan kazaklar yaşayış yerlərinin tənzimlənməsi ilə məşğul olurdular. Hökumət, lazımi alətləri almaq üçün 10 min rubl xərclədi, çatdırmaq üçün arabaları olan 60 cüt öküz ayırdı.1964-cü ildə Ardon şəhər statusu aldı.

Sənaye müəssisələri

Ardon şəhərində şüşə zavodu, Alkoqol zavodu, Asfalt zavodu, "Прогресс" daş karxanası zavodu, Kərə yağı və pendir fabriki fəaliyyət göstərir.

Əhali

1 yanvar 2019-cu il tarixində şəhər əhali yerləşməsinə əsasən Ardon şəhəri Rusiya Federasiyasının 1115 şəhərindən 683-cü yerdə idi. 2010-cu il ümumrusiya əhalinin siyahıya alınmasına əsasən Ardon şəhərinin əhalisinin milli tərkibini osetinlər 78,1 %, ruslar 17,8 %, ermənilər 1,4 %, digərləri 2,7% təşkil edir.

Təhsil və Mədəniyyət

Şəhərdə 6 uşaq bağçası, 4 orta təhsil müəssisəsi, Ardon Aqrar və Texnologiya Kolleci, İdman kompleksi, Mədəniyyət Sarayı, Musiqi məktəbi, Mədəniyyət və Təhsil Muzeyi, Kitabxana, İstirahət və mədəniyyət parkı (2017-ci ildə açılıb) mövcuddur.

Məkanlar

• Qədim Tsırt məzarlığı
• İkinci Dünya Müharibəsində şəhid olan əsgərlərə kütləvi məzarlıq
• Ardonda kazak kəndinin qurucularına bir abidə
• Şəhərin girişində İbadət
• Şəhər mərkəzindəki Lenin abidəsi
• 2 nömrəli məktəbdə Stalin abidəsi
• Ardon Mədəniyyət və Təhsil Muzeyi
• Sozırıko Xoranov abidəsi

İstinadlar

1. "Численность постоянного населения Российской Федерации по муниципальным образованиям на 1 января 2023 года (с учётом итогов Всероссийской переписи населения 2020 г.)" (rus). 2023-08-18. İstifadə tarixi: 2023-08-23..
2. "Ардон (город)". 2022-06-01 tarixində . İstifadə tarixi: 2019-10-08.
3. "Ардон: город у бешеной реки". 2021-10-17 tarixində . İstifadə tarixi: 2019-10-08.
4. "Ардон Северной Осетии России - Города и регионы". 2020-02-19 tarixində . İstifadə tarixi: 2019-10-08.
5. "Народная энциклопедия городов и регионов России". 2022-02-04 tarixində . İstifadə tarixi: 2019-10-08.
6. . 2012-07-18 tarixində orijinalından arxivləşdirilib. İstifadə tarixi: 2019-10-08.