Anar Məmmədxanlı

Anar Məmmədxanov (20 iyul 1970, Bakı – 23 aprel 2011, Bakı) — dövlət və ictimai xadimi olmuşdur. 1991-ci ildən Bakı Şən və Hazırcavablar Klubunun prezidenti, "Bakılı oğlanlar" komandasının kapitanı olmuşdur. 1992, 1993, 1995-ci illərdə Şən və Hazırcavablar Klubları arasında MDB çempionu, 2000-ci ildə isə XX əsr çempionu olmuşdur. 2005-ci il noyabrın 6-da 30 saylı Suraxanı birinci seçki dairəsindən deputat seçilmişdi. Azərbaycan Respublikası I, II və III çağırış Milli Məclisinin deputatı idi. "Ultra Production" şirkətinin və "Day.az" xəbər saytının yaradıcısı idi. Ölümünün səbəbi kəskin ürək qan-damar çatışmazlığı ürəyin işemik xəstəliyi olub.

Anar Məmmədxanov
Doğum tarixi	20 iyul 1970(1970-07-20)
Doğum yeri	Bakı, Azərbaycan SSR, SSRİ
Vəfat tarixi	23 aprel 2011(2011-04-23) (40 yaşında)
Vəfat yeri	Bakı, Azərbaycan
Vəfat səbəbi	ürək-damar xəstəliyi^[d]
Atası	Camal Məmmədxanov
Təhsili	Bakı Dövlət Universiteti
Fəaliyyəti	siyasətçi, KVN aktyoru^[d]

Həyatı

Anar Camal (Camali) oğlu Məmmədxanov 20 iyul 1970-ci ildə Bakıda anadan olmuşdur. 1987-ci ildə Bakı şəhər 160 saylı məktəbi bitirmişdir. Həmin il Azərbaycan Dövlət Universitetinin mexanika-riyaziyyat fakültəsinə daxil olmuş və 1992-ci ildə oranı bitirmişdir. 1992, 1993, 1995-ci illərdə Şən və Hazırcavablar Klubları arasında MDB çempionu, 2000-ci ildə XX əsr çempionu olmuşdur. Avrasiya Radio və Televiziya Akademiyasının üzvü olmuşdur. 1991-ci ildən Bakı Şən və Hazırcavablar Klubunun prezidenti, "Bakılı oğlanlar" komandasının kapitanı olmuşdur.

Bitərəf kimi Azərbaycan Respublikası birinci (1995), ikinci (2000) və üçüncü çağırış (2005) Milli Məclisinin deputatı olmuşdur.

23 aprel 2011-ci ildə vəfat edib.

Evli idi, 3 övladı var.

Xatirəsi

2018-ci ildə onun haqqında yazıçı-publisist Elmira Axundova "Anar Məmmədxanov. Kapitanın taleyi" kitabını yazmışdır. Kitabda Anar Məmmədxanovu tanıyan 100-ə yaxın şəxsin xatirələri yer alıb.

İstinadlar

1. Real TV. "Şən və hazırcavab Anar Məmmədxanov" (az.). Youtube.com. 23.04.2020. İstifadə tarixi: 2020-04-24.
2. . 2015-04-03 tarixində orijinalından arxivləşdirilib. İstifadə tarixi: 2013-02-11.
3. "Arxivlənmiş surət". 2021-10-16 tarixində . İstifadə tarixi: 2011-04-23.
4. APA TV. "Elmira Axundova Anar Məmmədxanov haqqında kitab yazıb" (az.). Youtube.com. 04.04.2018. İstifadə tarixi: 2018-04-04.

Həmçinin bax

Vikisitatda Anar Məmmədxanov ilə əlaqədar sitatlar var.

Vikianbarda Anar Məmmədxanov ilə əlaqəli mediafayllar var.

Müsahibələri

• Anar Məmmədxanov: "Vaxtında getmək ən əsas məsələlərdən biridir" ^{[ölü keçid]}
• Anar Məmmədxanov: "Vaxtında getmək ən əsas məsələlərdən biridir" ^{[ölü keçid]}
• Anar Məmmədxanov: "Xalqımıza üç sivil, mədəni və vətənpərvər uşaq vermişəm"
• Anar Məmmədxanovun vəfatından 5 il ötür
• Anar Məmmədxanov İnformasiya Müharibəsi haqqında

Xarici keçidlər

• Anar Məmmədxanovun ölümü barədə