Akif Yusifov

Akif Əli oğlu Yusifov (8 iyul 1948, Azərbaycan SSR, Qax rayonu, Almalı kəndi) — Şəki Dövlət Dram Teatrının aktyoru, Azərbaycan Respublikasının əməkdar artisti (2018).

Akif Yusifov
Akif Əli oğlu Yusifov
Doğum tarixi	8 iyul 1948(75 yaş)
Doğum yeri	Azərbaycan SSR, Qax rayonu, Almalı
Milliyyəti	Azərbaycanlı
Vətəndaşlığı	Azərbaycan
Fəaliyyəti	Aktyor
Fəaliyyət illəri	1977- hazırkı dövr
Təhsili	Azərbaycan Dövlət Mədəniyyət və İncəsənət Universiteti
İstiqamət	dram
Teatr	Şəki Dövlət Dram Teatrı
Mükafatları	""
IMDb	ID 3298312/

Həyatı

Akif Yusifov 1976-cı ildə M. A. Əliyev adına Azərbaycan Dövlət İncəsənət İnstitutunu bitirmiş və həmin ildən S. Rəhman adına Şəki Dövlət Dram Teatrında aktyor kimi fəaliyyətə başlamışdır. İşlədiyi müddətdə teatrın səhnəsində qoyulmuş Azərbaycan və dünya dramaturgiyasının əsərlərində 200-dən artıq tamaşada müxtəlif maraqlı, yadda qalan obrazlar yaratmışdır. Bunlardan N. Vəzirovun "Yağışdan çıxdıq, yağmura düşdük" komediyasında Xudaverdi bəy, Ə. Nesinin "Toros canavarı"nda Osman, M. Kərimin "Ay tutulan gecə" əsərində – Yalsı qul, N. İbsenin "Kuklalar evində" Doktor, E.de Filipponun "Ruhlar"ında Qastoni, X. Eçeqarayın "Mahir aradüzəldənlər" pyesində Don Xuan və sairə rollarını göstərmək olar.

1977-ci ildə Bolqar dramaturqu R. Stoyanovun "Ustalar", 1978-ci ildə Macar dramaturqu Ş. Petefinin "Pələng və Kaftar", 1980-ci ildə Alman dramaturqu B. Brextin "Arturo Uİ-nin karyerası",1981-ci ildə Çex dramaturqu K. Çapekin "Ağ xəstəlik",1982-ci ildə Rumın dramaturqu M. Sebastianın "Adsız ulduz" kimi festival tamaşalarında da A. Yusifov gözəl obrazlarla tamaşaçı rəğbəti qazanmışdır.

Mükafatları

2001-ci ildə teatrın səhnəsində qoyulmuş Hidayət Orucovun "Məni qınamıyın" tamaşasında Redaktor roluna görə "" mükafatına almışdır.

27 may 2018-ci ildə Azərbaycan Respublikasının əməkdar artisti fəxri adına layiq görülmüşdür.

Filmoqrafiya

1. Çətirimiz buludlardır (film, 1976)
2. Yük (film, 1995)
3. Bir ovuc torpaq (film, 2009)
4. Cavad xan (film, 2009)
5. Yaddaş (film, 2010)
6. Döngələr (teleserial, 2012)
7. Qırmızı bağ (film, 2016)
8. Bir zamanlar Şəkidə (film, 2017) (ing. The Game) (rol: Tofiq əmi)

İstinadlar

1. "АКИФ ЮСИФОВ Биография". 2024-01-27 tarixində . İstifadə tarixi: 2024-01-27.
2. "Akif Yusifov "Hər gün bir rola girmək səhnənin divanəsi olmaq deməkdir"". 2024-01-27 tarixində . İstifadə tarixi: 2024-01-27.
3. President.Az. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı" (az.). President.az. 27.05.2018. 2020-03-05 tarixində . İstifadə tarixi: 2018-05-27.
4. ""Gənclik Mall" Ticarət mərkəzində yerləşən və premium sinfindən olan "CinemaPlus" kinoteatrında "Bir Zamanlar Şəkidə-(ing-The Game)" macəra komediya filminin təqdimatı keçirilib". 2021-11-10 tarixində . İstifadə tarixi: 2021-12-19.

Xarici keçidlər

• https://ann.az/az/cinemaplus-kinoteatrinda-the-game-komediya-filminin-teqdimati-kecirilib
• Mədəniyyət qəzeti: "Tamaşaçının teatra məcbur, yoxsa istəyərək gəldiyini səhnədən duymaq olur...”